Ауру ағымының бірнеше сатысы бар: 1. Жасырын (латентті, инкубациялық). Бұл сатыда ағзада жүріп жатқан құбылыс сыртқа көрінбейді, сезілмейді. Оны науқастың өзі де сезбейді.
2. Продромалды саты деп аурудың ең алғаш белгілерімен толық дамыған кезіндегі аралықты айтамыз. Осы сатыда жүргізілетін диагностикалық әдістің маңызы өте зор. Емдеу неғұрлым ерте басталатын болса, солғұрлым аурудың соңы жақсы аяқталады.
3. Аурудың толық дамыған сатысы. Бұл сатыда аурудың клиникалық cypeтi анық байқалады. Кейде клиникалық белгілер анық болмауы да мүмкін. Ағымы бойынша бұл саты жіті немесе созылмалы болуы мүмкін. Созылмалы түрінде аурудың белгілері айлап, жылдап созылады.
4. Сауығу кезеңі (реконвалесценция). Бұл сатыда ауру белгілері жойылып, еңбектену қабілеті толығымен қалпына келеді. Толығымен айығу әр уақытта дами бермейді. Кейде басқа iшкi мүшелерге асқынулар дамуы мүмкін.
