Тәрбие жұмысы туралы есебі

2012-2013 оқу жылына

Қарағанды мемлекеттік медицина университетінің

тәрбие жұмысы туралы

есебі

Әлемдік жоғары кәсіби білім беру жүйесінде Қазақстан интеграциясы және Республиканың әлеуметтік-экономикалық дамуына ары қарай бағдарланған мемлекеттік саясат тұрғысынан болашақ дәрігерлердің кәсіби құзіреттілігінің қалымтасу мәселесі ерекше өзектілікке ие.

ЖОО-да іскерлік және жеке қасиеттерінің, білімі, біліктілігі, дағдыларының қажетті деңгейін көрсететін маманның толық моделі жасалған. ҚММУ студенттерін даярлау критерийлері болып кәсіби құзіреттілік табылады. ҚММУ-да қазіргі таңда профессорлық-оқытушылық құрам мен студенттерді даярлауда құзіретті тәсілдеме әзірленген. Осыған байланысты жоода оқу және тәрбие үдерісі өмір бойы өзін дамытуға себеп болатын ойлаудың жеке себебін анықтайтын тұлғаның қалыптасуы және интелектуальды қасиеттерінің дамуы ретіндегі функцияларды мінтетті түрде іске асырумен теориялық және практикалық деңгейдегі білімді әр студенттің кезеңді және кезекті меңгеруін қарастырады.

Есептік кезеңде тәрбие жұмысының мақсаты қазіргі қоғамның қажеттіліктері мен үміт етуіне жауап беретін белсенді азаматтық позицияға ие студенттерге кәсіби құзіреттіліктің қалыптасуына себеп болатын гуманистік, аса өнегелі тәрбиелеу ортасын құру болды.

Сонымен қатар келесі тапсырмалар шешілді: жастарда отансүйгіштік сезімін қалыптастыру, өнегелі және рухани дамуы.

Есептік кезеңде тәрбие жұмысы келесі негізгі принциптарды басшылыққа ала отырып құрылды:

- студент жастардың құқықтары мен бостандығының сақталуы, жастар мәселесін шешудегі демократизм;

- оқыту мен тәрбиелеудің біртұтастығы, оқудың өмірмен және қоғамды дамыту қажеттіліктерімен байланысы;

- жынысына, ұлтына, әлеуметтік жағдайы мен жасына қарамастан барлық студент жастарды жалпылай қамту;

- тәрбие жұмысының жеке, топтық формаларының үндесуі;

- оқу үрдісі мен жалпы ұжымда тиімді жұмыс пен тұрақтылыққа ықпалдасатын қолайлы әлеуметтік-психологиялық климатты тудыру;

• 
  Кәсіби-шығармашылық тәрбие, кәсіби біліктілік және болашақ мамандардың бәсекеге қабілеттілігін дамыту, жаңа формациядағы мамандарды даярлау;
  
• 
  Рухани-адамгершілік және интернационалдық тәрбие;
  
• 
  Эстетикалық тәрибе;
  
• 
  Азаматтық-патриоттық, полимәдени тәрбие;
  
• 
  Дене тәрбиесі және салауатты өмір салтын қалыптастыру бойынша жұмыс;
  
• 
  Құқықтық мәдениетті қалыптастыру, сыбайластыққа қарсы тұру, өз құқықтары мен міндеттерін білу;
  
• 
  Жатақханада тұратын студенттермен мәдени-сауық жұмыстарын өткізу.
  

«Кураторлық жұмыс туралы ереже», «Студенттік өзін-өзі басқару комитеті туралы ереже», «Қарағанды мемлекеттік медицина университетіндегі студенттік өзін өзі басқаруды ұйымдастыру» атты тәрбие үдерісінің әдістемелік негіздерін анықтайтын құжаттар әзірленді және бекітілді.

Факульттердегі тәрбие жұмысы деканаттардағы тәрбие жұмыстарының жоспарына сәйкес өткізілді. Оқу жылының басында барлық деканаттарға топ, курс тәлімгерлері, жетекшілері, эдвайзерлерін тағайындау туралы тапсырмалар берілген. Топтарда тәлімгерлік сағаттар ұдайы өткізілді. Тәлімгерлер жұмысына талдау және тексеру жыл бойы ұдайы жүргізілді.

Тәрбие үдерісі жағдайының мәселелері тұрақты түрде ҚММУ Ғылыми кеңесі отырыстарында, ректоратта, факультеттердің ғылыми кеңесінде, Тәрбие жұмыстары жөніндегі кеңесте, кафедралардың отырыстарында ұдайы талқыланды. Тәрбие жұмысы жоспарының орындалуын бақылауды оқу-әдістемелік және тәрбие жұмыстары жөніндегі проректор, факультет декандары жүзеге асырады.

Шығармашыл жастарды қолдауда, университет әкімшілік құрылымдарында студенттік жастардың мүдделерін қорғау бойынша үздік студенттерді анықтауда, Университетте жастар саясатын жүзеге асыруда үлкен жұмыс атқарылды.

Университетте студенттік өзін-өзі басқару белсенді қызмет етеді. ЖОО әкімшілігі студенттік өзін-өзі басқаруды қолдайды. Белсенді студенттер Ғылыми кеңестің, факультеттер Ғылыми кеңесінің, Тәрбие жұмысы жөніндегі кеңестің мүшелері болып табылады,бұл студенттердің жоода маңызды шешімсдертің қабылдануына ықпал етудің нақты мүмкіндігі. Жатақханада тұратын белсенділерге тұру ақысы 25% төмендетілген, Студенттің өзін-өзі басқару комитетіне заманауи техникамен жабдықталған бөлме бөлінген.

СӨӨБК құрамы университет студенттері белсенділерінің жалпы жиналысында сайланады. СӨӨБК өз отырыстарында университет студенттеріне қатысты барлық мәселелерді қарастырды, университеттің жастар құрылымының есептері мен баяндамаларын тыңдады.

Барынша айқын өзін-өзі басқару факультеттер мен жатақханаларда көрінеді. Оқу, ғылыми, мәдени-көпшілік, ақпараттық, спорттық-көпшілік, құқықтық және патриоттық тәрбие, сыбайлас жемқорлыққа қарсы, салауатты өмір салты дағдыларын қалыптастыру бойынша, діни экстремизммен күрес және алдын алу бойынша секторлар белсенді жұмыс істейді.

Барлық жатақханаларда «Жатақхана аруы», «Үздік жатақхана», «Үздік бөлме» деген әр түрлі байқаулар өткізілді. Жатақханалар арасындағы КТК мен спартакиадалар, күзгі баллдар, мемлекеттік мерекелерге арналған мерекелік шаралар, кафедра күндері, акциялар, пікірталастар, қызықты адамдармен кездесу дәстүрге айналды.

Университетте қайырымдылық қызметке көп көңіл бөлінеді. Біраз жылдар бойы СӨӨБК қайрымдылық секторы «Ботагөз» балалар үйіне және дамуда мүмкіндігі шектеулі балаларға арналған балалар үйіне шефтік көмек жүргізеді. Студенттер балалар үйінің тәрбиеленушілері үшін мерекелік концерттер, сыйлықтар жинауды ұйымдастырады. Ынталы студенттер клубы мен студенттік өзін-өзі басқару комитеті ҚММУ зейнеткерлер және ардагерлерге көмек көрсету бойынша жұмыстар жүргізеді.

Есептік жылда қоғамдық денсаулық сақтау, медико-профилактикалық, мейірбикелік іс, фармация факультеті алғаш рет белсенті студенттер мен жетімдер үшін «Жаңа жылдық от» ұйымдастырды және өткізді.

Олардың мүдделері студенттік ортада бар мәселелерді анықтау мақсатында ректормен, оқу-әдістемелік және тәрбие жұмысы жөніндегі проректормен, ғылыми жұмыстар жөніндегі проректормен, факультет декандарымен студенттердің кездесулер ұдайы ұйымдастырылады. Университет қызметкерлері, профессорлық-оқытушылық құрамның өз қызметін пайдаланып қиянат ету фактілері туралы «Оқытушы студенттер көзімен», «Тәлімгер студенттер көзімен» атты студенттерден құпия сауалнама өткізілді. Сауалнама нәтижелері Ректорат, Тәрбие жұмысы жөніндегі кеңес отырыстарында қаралып, өз қызметін пайдаланып қиянат ету фактілері бойынша нақты шаралар қабылданды.

Кері байланысты жүзеге асыру үшін Қарағанды мемлекеттік медицина университетінің холлында «Университет ректорына хаттар және шағымдар үшін» жәшік, сондай-ақ құқық бұзушылықтарға тыйым салу мақсатымен ата-аналар және студенттерге арналған сенім телефоны (51-13-95) орнатылды.

Университетте студенттік жастар арасындағы құқық бұзушылықтардың алдын алу және «Сыбайлас жемқорлықпен күрес туралы» заңды түсіндіру мақсатында құқық қорғау органдарының өкілдерімен, есірткімен күрес жөніндегі бөлімнен тергеушілермен кездесу өткізілді. Тәлімгерлік сағаттарда 1 курс студенттері білім алушының құқығы және міндеттерімен, оқу-тәрбие жұмыстары бойынша нормативті-құқықтық құжаттармен, ішкі тәртіп ережелерімен танысады.

Терең құқықтық білім беру үшін келесі тақырыптарда тәлімгерлік сағаттар жүргізілді: «Студенттік жастар арасындағы құқық бұзушылықтар», «ҚР жастардың құқықтары». Университетте 100 студен қатысқан ҚР-дағы сайлау ережелерін білуіне сауалнама жүргізілді. Сауалнама нәтижелері сайлау өткізу ережелерін ЖОО студенттерінің жақсы білетінін көрсетті.

Университет жатақханаларында Қазақстан тарихы және әлеуметтік-саяси пәндер кафедрасының оқытушыларымен «Біз өзіміз таңдаймыз» тақырыбында дөңгелек үстелдер өткізілді. «Намыс» пікірталас клубының орыс және қазақ лигасы мен Қазақстан тарихы және ӘСП кафедрасның оқытушылары «Сайлау» сюжетті ойындар өткізді. Ойын студенттерге қиялын көрсетуге, өзінің шығармашылық мүмкіндігі мен ұйымдастырушылық қасиеттерін ашуға мүмкіндік берді.

Университеттің СӨӨБК өкілдері, «Намыс» пікірталас клубының қазақ және орыс лигасының мүшелері «Жас сайлаушылардың сайлауға қатысуын дәлелдеу» тақырыбында Орталық сайлау комиссиясы ұйымдастырған дөңгелек үстел жұмысына, «Жас Орда» жастар ұйымы қауымдастығының Кубогына «Жастар және құқық» дебаттық турнирға қатысты, бұл сондай-ақ құқықтық, саяси білім деңгейінің артуына себеп болды.

ЖОО-да «ҚММУ ЕХЖ туралы ережеге» сәйкес әрекет ететін және университет териториясында қоғамдық тәртіптің сақталуына қатысатын құқық қорғау бағытындағы «Ерікті халық жасағы» студенттік жасағы құрылған. Ерікті халық жасағы жоо ішінде өткізілген концерттер мен конкурстардағы тәртіптің сақталуына бақылау жүргізеді.

«Қазақстан студенттері альянсы» Республикалық қозғалысымен бірге қысқы және жазғы сессия кезеңінде «Таза сессия» әлеуметтік сауал жүргізілген. Университет жатақханаларында сыбайлас жемқорлық факторларын анықтау бойынша сауалнама жүргізілді.

Қазіргі таңда маңызды мәселелердің бірі дәстүрлі емес діни және жалған діни ағымдар мәселесінің бар болуы болып табылады. Аталған мәселені шешу үшін Діни экстремизмді ескерту және алдын алу жөніндегі комиссия белсенді жұмыс жүргізді. Дәстүрлі исламның негізгі нормаларын студент жастарға түсіндіру үшін тақырыптық фильмдер көрсетумен дін өкілдерімен кездесулер, дөңгелек үстелдер өткізілді.

ЖОО-да Қарағанды облысы ішкі саясат басқармасы басшысының орынбасары, Шахтинск қаласы «Нұр» мешітінің бас имамы, Балақажы мешітінің бас имамы, «Нұр Мүбәрәк» ислам мәдениетінің Мысыр университетінің студенті қатысқан «Студент жастар арасындағы діни экстремизм профилактикасы» тақырыбында дөңгелек үстел өтті. Студенттер Қазақстан мұсылмандары діни басқармасының өкілдерімен кездесуде белсенді қатысты.

ҚММУ жатақханаларының СӨӨБК, кафедралармен көпұлтты және көп конфессиялы студент жастардың бірігуі үшін этномәдени бірлестіктердің өкілдерінің қатысуымен «Кел танысайық!» тақырыбында дөңгелек үстелдер, тақырыптық кештер, кездесулер ұйымдастырылады және өткізіледі. Есептік жылда шешен-ингуш, әзербайжан, грузин және татар диаспораларының өкілдері қатысты, өз халықтарының салт-дәстүрлері, мәдениеті туралы әңгімелеп берді. Акті залында шетелдік студенттер Үнді жаңа жылы – Дивалиге арналған концертті бағдарлама ұйымдастырды.

Діни экстемизмнің алдын алу бойынша, студенттік ортада этнос аралық қайшылықтарды болдырмауға, әр түрлі этностардың мәдениеті мен салт-дәстүріне құрметті тәрбиелеуге, этносаралық келісімді нығайтуға бағытталған әр түрлі іс-шаралар өткізілді.

Әлеуметтік маңызды қасиеттерді және коммуникативтік мәдениетін қалыптастыру үшін жас таланттарды қолдауда конкурстар өткізілді: «ҚММУ аруы», «Қазақстанның бірінші Президенті: ел тәуелсіздігінің құрылуы және дамуы» тақырыбында «ХХІ ғасыр көшбасшысы» интелектуалды ойыны, жыл сайынғы студенттік ғылыми-практикалық конференциялар өткізілді, халықаралық конференцияларға қатысқан жеңімпаздар онда жүлделі орындарға ие болды.

ЖОО-да студенттердің шығармашылық және физикалық дамуы үшін барлық жағдайлар жасалған. 2012 - 2013 оқу жылында университетте 800 студент айналысқан 17 үйірме және 14 спорт секциялары жұмыс істеді. Жыл бойы университет студенттері және өнерпаздар ұжымдары республикада, облыста, қалада, университетте өткізілген мемлекеттік мереке күндеріне арналған барлық мерекелік іс-шараларға белсенті қатысты. Университет студенттері «Студенттік көктем – 2013» студент жастар шығармашылығының облыстық фестивалға белсенді қатысып, онда жүлделі орындарға ие болды. Университетте көптілдіктің дамуы үшін барлық жағдайлар жасалған, қазақ және ағылшын тілдерінің клубтары қызмет етеді. Студенттер өмірінің барлық оқиғалары «Медик» газетінің беттерінде көрініс табады.

Талантты жастарды анықтау мақсатында 1 курс студенттерінің арасында «Алло, біз таланттарды іздейміз!» жыл сайынғы конкурсы өткізіледі. ҚММУ ректорының Кубогына оқытушылар мен студенттер командалары арасында КТК ойындары, «ҚММУ аруы», «ҚММУ мистері» байқаулары дәстүрлі болды.

Есептік жыл кезеңінде тәлімгерлер, жетекшілер, эдвайзерлер және студенттер «Шалқыма» концерттік залына, Станиславский, Сәкен Сейфуллин атындағы драма театрларына, Облыстық өлкетану мұражайына және Саяси қуғын-сүргін құрбандарын еске алу мұражайына барды.

Қазақстанның жалпы мәдени мұрасы және жалпы әлемдік мәдени мұраны студент жастардың игеруіне акті залында Қазақ ұлттық аспаптары академиялық оркестрінің, Қарағанды симфониялық оркестрінің ішекті квартетінің, Қарағанды әуенді комедия академиялық театрының, «New Band» джаз музыкасы ұжымының қатысуымен ұйымдастырылған концерт себеп болды.

Студент жастарды азаматтылық және отансүйгіштік, Отанға деген құрмет рухында тәрбиелеу мақсатында Тәуелсіздік күні, Қазақстан халықтары күнінің бірлігі, Ұлы Жеңіс күні, Астана күні, Мемлекеттік рәміздер күніне арналған тәлімгерлік сағаттар, тақырыптық кештер, дөңгелек үстелдер өткізілді.

Саяси білім деңгейін арттыруға «Қазақстанның әлеуметтік жаңғыруы: Жалпыға ортақ Еңбек Қоғамына қарай 20 қадам» Н.Ә.Назарбаевтың мақаласының бағдарламасы және «Стратегиялар: Қазақстан – 2050» негізгі ережелерін түсіндіру бойынша студенттер және қызметкерлердің жиналысы, конференциялар, дөңгелек үстелдер, тәлімгерлік сағаттар себеп болды.

Ұлы Отан соғысының 68-жылдығын меркелеуге байланысты ҚММУ мерекелік іс-шараларды өткізу жоспары әзірленді. Университет кафедраларында Ұлы Отан соғысының ардагерлерімен кездесулер ұйымдастырылды.

Университетте салауатты өмір салты дағдыларын қалыптастыруға үлкен көңіл бөлінеді. Салауатты өмір салтын насихаттау үшін жүргізілді: Наркобизнеспен күрес жөніндегі басқарманың өкілдерінің қатысуымен факультеттерде жиналыс, жатақханалар мен оқу корпустарында «Есірткісіз - болашақ» атты тақырыптық кештер, «Біз есірткіге қарсымыз» тақырыбындағы дөңгелек үстелдер; физикалық және психологиялық тәуелділік тақырыбында психологпен кеңесу.

«Жұлдыз» жастар денсаулық сақтау орталығының мүшелерімен «Нашақорлық – құрдымға апарар жол» тақырыбында студенттермен тақырыптық кештер ұйымдастырылды және өткізілді. Пікірсайыс клубының мүшелерімен «Жастар маскүнемдікке қарсы!», «Біз ЖИТС-ке қарсымыз» тақырыптарында пікірталастар өткізілді. ЖИТС-пен бүкіл әлемдік күрес күніне арналған «Не?Қайда?Қашан?» интелектуалды ойыны өткізілді.

Студент топтарында нашақорлықтың таралуы туралы тәлімгерлік сағаттар қарастырылды. Студенттер арасында нашақорлық, маскүнемдік және темекі шегудің алдын алу бойынша семинарлар өткізілді.

«Мен, сен, ол, біз – дені сау елміз» және «Никотинді витаминге ауыстыр!» республикалық акция шеңберінде Қарағанды қ. мәдениет және демалыс орталық саябағында жоо студенттері қаланың халқына салауатты өмір салтын насихаттады. «Жұлдыз» жастар денсаулық орталығы Қарағанды қ. жалпы білім беретін мектептері мен гимназияларда ЖИТС мәселесі бойынша жасөспірімдер үшін профилактикалық семинар-тренингтер өткізілді.

Медициналық колледж студенттері темекі шегумен күрес күніне арналған «флэш-моб» облыстық акция өткізуге белсенді қатысты.

ҚММУ-да маскүнемдікке қарсы апталық өткізілді, оның шеңберінде «Мен ішімдіксіз Қазақстан үшін!», «Егер сыра ішсең, өмірде құрисың!», «Біз салауатты өмір салты үшін» тақырыптарында шығарма конкурсы ұйымдастырылды, кітапханада «Тұлға және алкоголь» әдебиеттер көрмесі ұйымдастырылды, жатақханаларда «Алкоголсіз әлем!» атты қабырға газеттері шығарылды, «Жастар арасында шамадан тыс алкоголді қабылдау мәселелері» дөңгелек үстелдері өткізілді.

Оқу жылы ағымында факультеттер және жатақханалар арасында спартакиада, 1 курс стуленттері арасында футболдан жолдастық кездесулер, қыздар арасында 500 метрге кросс өткізілді. «Денсаулық мәресі», «Саған, елім, менің рекордтарым!» фотобайқаулары ұйымдастырылды және өткізілді.

ЖОО студенттері «Алтын күз» атты қалалық жеңіл атлетикадан кроссқа; «Денсаулық» фестивалына; баскетболдан, қоян-қолтық ұрыстан ҚР чемпионаты; шаңғыдан жарысқа; жеңіл атлетикадан қысқы чемпионатқа қатысты.

Тәрбие үдерісі шеңберінде спорттық-сауықтыру жұмысы белсенді жүргізілді. ҚММУ салауатты өмір салты дағдыларын қалыптастыруға қатысты тапсырмалардың жүзеге асырылуы үшін барлық мүмкіндіктерге ие.