Тәрбие сағатының тақырыбы: Ана өмірдің гүлі Тәрбие сағатының мақсаты

І. Ұйымдастыру кезеңі Мариямнан күй

ІІ. Кіріспе бөлім

Жүргізушілерді таныстыру.

1-жүргізуші: Қанат

2-жүргізуші: Аян

ІІІ. Негізгі бөлім

- оқушылардан тақпақ

- ән

- би

- балалардан ән-шашу

-вальс

Тәрбие сағат барысы:

Мариямның күй тартуымен басталады.

«Әуелі анаңа, тағы да анаңа, тағы да анаңа, содан соң әкеңе жақсылық жаса», «Егер атаң мен анаң бір мезгілде үн қатып қалса, әуелі анаңа жауап бер», «Анаңды Меккеге үш рет арқалап апарсаң да, парызыңды өтей алмайсың», «Кімде-кім ата-анасының ризалығын алған болса, Алла оның өмірін ұзартады».

Міне, біздің дініміз де Ананы бәрінен де артық ардақтауды талап етеді.

Аян:

Барша ана құтты болсын мерекеңіз,

Әрқашан ана сізбен берекеміз.

Ақтасақ ақ сүтіңді, асыл анам,

Сонда біз кісілікке теңесеміз,-дей отырып ұл-қыздарыңыз жүрекжарды тілектерін ұсынады.

(Шыңғыс, Эльдар, Ерасыл тақпақ айтады)

Әжемдей менің жоқ шығар

Мейірімді бұл кісі

Қандай ғажап күлкісі

Әжем жақсы көреді

Қонаққа барса ұмытпай

Кәмпіт әкеп береді

Қуанышыңа қуанып, қайғыңа күйетұғын.

Түн ұйқысын төрт бөліп, кірпік қақпай,

Шешең байғұс дамылсыз жүретұғын.

Құлақтан кіріп, бойды алар,

Әсем ән мен тәтті күй.

Көңілге түрлі ой салар,

Әнді сүйсең, менше сүй, – деп, Абай атамыз айтқандай бір ән орындап берейік.

«Ана туралы жыр» Ғибарат, Алихан, Дамир, Аян, Қанаттың орындауында.

Келесі кезекті Арсен, Марлен, Мадиға беріледі.
Арсен: Кім сендерді балалар, тербететін,

Еркелетіп, ойнатып, сергітетін?

Жалқау болсаң, балалар, жаман болсаң,

Қамқор анаң көз жасын көлдететін.

Ғылым іздеп, тез қайтпай, көпке кетсең.

Ұмытпа, ең кемінде жұлдыз сайын,

Хат жазып, тұр ұмытпа, төбесі көкке жетсін.

Құлындарын көзімен көргенінше?

Сендер қайтып келгенде адам болып,

Еш арманым болмас дер өле-өлгенше.

Үкілі кәмшат, бүрмелі көйлек.

Тұрғандай өзі, қимылсыз билеп,

Иықтан шашып, төгіліп жерге,

Күмісті шашбау, жарасып белге – деп ақын ағаларымыз жырлағандай келесі кезекті мың бұралған бишілерге береміз.

Қазақша би қыздардың орындауында.

(Темірлан, Бақтияр, Алмаз тақпақ айтады)
Темірлан: Анам менің – аялаған ақ гүлім

Анам менің – бақытым мен шаттығым

“Анашым” – деп балаң жырын арнаған

Неге ғана естімеген тәтті үнін

Анам менің – өмірдегі тірегім

Анам менің – кеудемдегі жүрегім

Егер менің қасымда сен болмасаң

Бұл өмірде қалай ғана жүремін.

Ана дейді жас сәби де жарқылдап

Ана деген-бәйтерегі өмірдің.

Ана деген –алтын қазық, алтын бақ.

Бірге еріп жүремін

Жанашырым жанымда

Тек әжем деп білемін

Ақ әжемді арқашан

Сыйлап жақсы көремін

Қуантайын деп оны

Өлең айтып беремін

Қыз сыны, қыз өнері, қыз әдебі,

Тал бойына жарасқан күлкі әлемі.

Бір көріп таң қалдырмай сахнада,

Өмірде сақталсыншы бұл әдебі- дей отырып ортаға қыздарымыз бен аналарын шақырамыз.
Аян: Әділ қазылар барлық ұлдар болады.

Ойын ойнатылады.

Әр ойыннан кейін стикерлер беріледі.

1-кезең: «Сүйікті анашым» ойыны.

Шарты: Аналар бір қатарға тұрады. Қыздар бір-бірлеп шығып, көздері байлаулы болады. Бір қатарда тұрған аналар орындарын ауыстырады. Қызы көзі байлаулы түрде, өз анасын қолын ұстау арқылы тауып алуы керек.

2-кезең: «Сұлулық салоны» ойыны.

Шарты: Аналар орындықтарға отырады. Ал қыздар аналарына макияжды көзи жұмылу түрде жасайды. Ең жақсы істелген жұмыс таңдалынады.

3-кезең: «Сіздерге тілейтінім» ойыны.

Шарты: аналар мен қыздары отырған көрермендерге құттықтау өлеңін шығарады.

4-кезең: «Тамаша қол өнері» ойыны.

Шарты: Әр қатысушыларға керекті заттар қойылады. Сол заттарды пайдала отырып, бір бұйым жасау. Уақыт 2 мин

Осылайша барлық аналарымызға ойынға қатысқаны үшін рахметімізді айтамыз.

Әр кезең бойынша жүлделі орын алған аналарға граммота беріледі

Аналарды орындарына отырғызып, барлық балалар шығып ән айтады. «8 наурыз» әні. Сол уақытта слайд көрсетіледі. Әр баланың анасының суреттері мен әдемі сөздер.