Кейіпкерлер бейнесіне образдық талдау жасауда семантикалық талдау үлгілері қолданылды. Поэмадағы екі жастың өліміне кім кінәлі тақырыбында пікірталас алаңы ұйымдастырылды. Автор шешімімен келісесің бе, егер сен автор орнында болсаң, поэманы қалай аяқтар едің деген сауал төңірегінде шығармашылық ой пікірлерін білдірді. Сонымен бірге, әдеби теориялық талдаулар жасалды. Үй тапсырмасына «Махаббаттың қос шынары» тақырыбында ой-толғау жазу тапсырылды. Оқушылар шығармашылығына, сөйлеу мәдениеті қалыптасуына арналған тапсырмалар лайықты таңдалған. Ақындық қабілеті бар балалар шығармашылығына да кезек берілді.
