ФИЗИКАНЫ ЕСЕПТЕР ШЫҒАРУ ЖӘНЕ ЭКСПЕРИМЕНТ ЖАСАУ АРҚЫЛЫ БІЛІҢІЗ
6 сынып оқушыларына арналған
аптасына 2 сағат, барлығы 68 сағат
С.М. Тиреуова
№119 мектеп-лицейдің физика пәні мұғалімдері
Пікір жазған: Сыдыкова Ж.К,.Абай атындағы Қазақ Ұлттық Педагогикалық университетінің физика-математика және информатика институтының аға оқытушысы, педагогика ғылымдарының кандитаты
Түсініктеме хат
Ұсынылып отырған «Физиканы есептер шығару және эксперимент жасау арқылы біліңіз» атты элективтік бағдарлама физика пәніне қызығушылық танытатын 6 сынып оқушыларына арналған. Осы бағдарлама аптасына 2 сағаттан (68 сағат жыл бойына) есептелген.
Курстың мақсаты физика пәні бойынша оқу материалдарын саналы түрде оқып үйрену үшін мотивциялық негіздерді қалыптастыру, оқушылардың білімдерін тереңдету болып табылады.
Курсты оқыту барысындағы міндеттер:
оқушылардың әлем туралы ой-өрістерін кеңейту;
қоршаған ортадағы заттар, механизмдер, машина және техника құрылғыларына оқушылардың қызығушылығын арттыру;
оқушылардың ой-өрісін дамыту;
оқушылардың шығармашылық қабілеттерін дамытуға жәрдемдесу;
оқушылардың өз білімдерін әр түрлі салада қолдана білуге үйреу;
есептердің шешімдері мен жауаптарын талдауға үйрету;
топпен және жұппен жұмыс жасауға тәрбиелеу.
Оқытудың әдіс-тәсілдері
Элективтік курсты оқытуда эвристикалық әдістер қолданылады:
зерттеу әдістері (өзара ұқсастықты салыстыру, жіктеу және т.б.)
эвристикалық бақылау әдістері;
гипотеза әдістері;
болжам әдістері;
қателер әдісі;
оқытудың өзін-өзі ұйымдастыру әдісі,
өзара оқыту әдісі,
өзін-өзі бағалау әдісі.
Элективті курсты оқытуға жылына 68 сағат (аптасына 2 сағаттан) бөлінген. 12-13 жастағы оқушыларды оқуға арналған және назарға оқушылардың жас ерекшеліктері ескерілген.
Достарыңызбен бөлісу: |
