В в. овчинников барлық кеңістік жағдайында түрлі болаттан, ТҮсті металдар мен олардың Қорытпаларынан, шойыннан жасалған бөлшектерді дәнекерлеу және кесу оқулық
Металдың ағындық тасымалдау режимі
жүктеу/скачать 7,65 Mb. Pdf көрінісі
|
Ovchinnikov-Barl-ke-zha-d-t-rli-t-sti-met...d-ne-zh-ne-kesu (1)
- Бұл бет үшін навигация:
- Металдың ағындық тасымалдау режимі
| Металдың ағындық тасымалдау режимі
. Мәні бойынша тұрақты (импульстерсіз немесе импульстермен) кері полярлық пісіру тогының жеткілікті түрде жоғары тығыздықтары кезінде және доғаның инерттік газдарда (құрамында аргонның мөлшері 80%-дан кем емес) жануы кезінде, ағындық деп аталатын электродты металдың өте ұсақ тамшылы тасымалдануы орын алу мүмкін. Құралсыз көзбен бақылау кезінде балқытылған металл пісіру ваннасына электродтың бүйір жағынан үздіксіз ағынмен ағып жатады деген көрініс пайда болғандықтан, бұл процесс солай аталып кетті. Бұл процесс кезінде тамшылардың ағыншасы электродтан пісіру ваннасына дейін ось бойынша ғана бағытталған. Доға өте тұрақты әрі тегіс. Шашырауы кішігірім ғана. Пісірілген жіктің білікшесінің беті тегіс. Доға энергиясы конус түрінде металға беріліп, сондықтан балқытып қапталған металл беттік бірігуге ие болады. Қысқа доғамен пісірудің циклдық режиміне қарағанда, металды балқыту тереңдігі үлкенірек, бірақ ірі тамшылы пісіруге қарағанда, азырақ болады. Ағындық тасымалдауға көшкен кезде, электродтан пісіру ваннасына қарай газдар ағыншасы мен металдың электр магниттік күштердің қысу әсерінің арқасында қарқындылығы күрт арттырылады. Нәтижесінде доға астында сұйық металдың қабаттауы кішірейіп, пісіру ваннасында жергілікті қуысы пайда болады. Негізгі металға қарай жылу берілу артып, жікте оның осі бойынша ұлғайтылған балқытылу тереңдігі пайда болады. Металды ағындық тасымалдау кезінде доға өте тұрақты болып, пісіру тогы мен кернеудің ауытқулары байқалған жоқ. 117 Металдың ағындық ауытқуы жоғары тұрақтылық доғасы (290- 450 А тогы кезінде доғаның кернеу 28-40 В) кезінде орын алып, токтың жоғары мәндері кезінде сапалы пісірілген жіктерді қалыптастыруға мүмкіндік береді. Бұл режим қалыңдығы 5 мм-ден асатын металдарды пісіру үшін қолданылады. Металдың үздіксіз айналатын тасымалдау режимі – ротациялық тасымалдау. Металдың ротациялық тасымалдануы балқытылатын электрод ұшындағы сұйықтықтың ұзын бағаны түзілген кезде орын алады. Өте үлкен ток (450-650 А тогы кезінде доғаның кернеуі 40- 50 В) және электродтың қатты шығып кетуі салдарынан бұл процесте электрод доғаның әсер етуінсіз балқытылатындай, түзілетін тамшының температурасы соншалықты үлкен болады. Бұл жағдайда ток жүргізетін мүштікте дейінгі арақышықтық 25-35 мм-ді құрайды. Бойлық магниттік өрістің әсер етуі салдарынан сұйықтық бағаны өз осі бойынша айналып, конустық түрде кеңейтіледі (3.19- сурет). Бұл ретте металл тамшылары радиалды бағытта негізгі материалға өтіп, салыстырмалы түрде тегіс әрі кең балқытылуды құрайды. Түсті металдарды пісіру кезінде инерттік газдар міндетті түрде пайдаланылып, сондай-ақ, олар коррозияға төзімді және төмен легирленген болаттарды пісіру кезінде де қолданылады. Аргон мен гелий бір-бірінен доғаның тығыздығымен, жылу өткізгіштігімен және оның сипатымен ерекшеленеді. Аргонның тығыздығы ауаның тығыздығына қарағанда, шамамен 1,4 есе үлкен, ал гелий ауадан 0,14 есе жеңіл. Пісіру ваннасын қорғау үшін ауыр газ тиімдірек болғасын, демек, пісіру ваннасын гелийлік қорғау кезінде аргонмен қорғау кезіндегідей дәл осындай әсерді алу үшін, газ шамамен 2-3 есе көп шығындалады. Аргонға қарағанда, гелийдің жылу өткізгіштігі көбірек болады, сондай-ақ, гелий доғасындағы энергия біркелкі таратылады. Аргондық доға плазмасына өзегіндегі өте үлкен энергия мен перифериясында одан кішірек энергия тән. Бұл айырмашылық пісірілген жіктің профиліне үлкенірек әсер етеді. Гелийлік доға терең және кең параболитикалық пісірілген жіктің алуын, ал аргондық 3.19-сурет. Металдың үздіксіз айналатын тасымалдауының сұлбасы: жүктеу/скачать 7,65 Mb. Достарыңызбен бөлісу:
|