Вавилондағы ең бай адам-реклама indd
жүктеу/скачать 6,68 Mb. Pdf көрінісі
|
Вавилондағы ең бай адам
- Бұл бет үшін навигация:
- «МАЗМҰНДАМАНЫҢ» КІТАПТАРЫНА ТАПСЫРЫС БЕРУ ҮШІН 8-775-233-72-57 66
| «МАЗМҰНДАМАНЫҢ»
КІТАПТАРЫНА ТАПСЫРЫС БЕРУ ҮШІН 8-775-909-01-77 65 бес, ал ойыншыда төрт мүмкіндік сақталады. Егер бүкіл кеш бойғы ойында қожайынның пайда табу мүмкіндігі ойыншының ұтыс алу мүмкіндігінен ал- дын ала жоғары етіп белгіленіп қойса, түбінде кім ұтылады? Әрине, ойыншы. – Бірақ біреулер қыруар ақша ұтып жүр ғой, – деп қалды тыңдаушылардың бірі. – Иә, ондайлар болып тұрады, – деп жауап берді Аркад. – Бірақ бұл сәттілік қаншалықты сенімді? Вавилондағы таныстарымның арасында ауқаттылар көп, бірақ олардың табысты жолын құмар ойыннан тапқан ақшамен бастағанын көрген де, естіген де емеспін. Бүгін осында жиналған бәрің де қаламыздағы бай адамдардың көбісін білесіңдер. Мені қызықтыратын мына жайды білгім келеді: солардың қайсысы жетіс- тікке жетудің бір мүмкіндігі ретінде құмар ойынын айтар екен. Ондайлар бар ма, білсеңдер, атын атап, түсін түстеңдерші. Ұзақ үнсіздіктен соң отырғандардың бірі: – Ойынхана қожайындарының өздері шығар, – деп үн қатты. – Егер ойларыңа басқа ешкім түспесе, – деді Аркад,– онда өздерің туралы сөйлесейік. Араларың- да қолы жүріп тұрған, сөйтіп, ойынхананы табыс көзі еткендер бар ма? Оның сұрағына жауап ретінде артқы қатарда отырған біреудің наразы күңкілі мен жұрттың ду күлкісі естілді. – Шамасы, біз сәттілікті оның құдайы жиі бо- латын жерден емес, басқа жақтан іздеп отырған «МАЗМҰНДАМАНЫҢ» КІТАПТАРЫНА ТАПСЫРЫС БЕРУ ҮШІН 8-775-233-72-57 66 секілдіміз, – деп ол сөзін жалғады. – Қане, онда бас- қа жерлерден іздестірейік. Оны жоғалған әмияннан таппадық. Сондай-ақ ол ойын үстелі маңында да бола қоймады. Атжарысты алсақ, сендерге ашығын айтуым керек, ондағы ойыннан өмірімде ұтқаным- нан ұтылғаным көп. Ал енді өз кәсібімізге назар аударайық. Қайдағы бір, кейде бар, көбіне жоқ сәттіліктен гөрі, өз еңбегі- міздің адал қайтарымына иек артайық, басты таби- ғи табыс қайнары сол ғой, бұл орайда сәттілік емес, таза еңбек өз жемісін береді. Менің пайымдауымша, Құдайдың сыйлығына жаутаңдап отыру жөнсіз. Бәлкім, ол бізге өзінен ешбір қайыр күтпеген кезде көмектесетін шығар. Бұған кімнің алып-қосары бар? Ақ киімді егде саудагер орнынан тұрды: – Сенің рұқсатыңмен, құрметті Аркад, мен мы- наны айтқым келеді: егер сен айтқандай, біз тек өз күшіміз бен қабілетімізге ғана сене алсақ, онда қо- лымызға түсіп тұрып, сусып кеткен табыстар жөнін- де әңгіме өрбітейік. Нағыз сәттілік – өте сирек құбы- лыс, бұған керісінше сәтсіздік, яғни қолдан сусыған сәттілік жайын көбіміз де айта алар едік. – Мағыналы ой, – деді Аркад келісіп. – Араларың- да қолына қонып тұрған бақыт құсын қапелімде ұшырып алғандар бар ма? Көп қол көтерілді, ішінде әлгі саудагердің де қолы бар. – Өзің бастадың, енді бірінші сөз кезегін саған бе- реміз. – Аркад осындай ұсыныс білдірді. – Бір оқиғаны қоспасыз айтып берейін, – деді сау- дагер.– Бұл жай адамның сәттілікке қолсозымдай |