МЫСАЛДАР ЖАТТАУ ТАҚЫРЫБЫ: Мақсаттары: а) әдеби жанрдың жаңа түрімен таныстыру немесе оны қорытындылау;
ә) шығарма мазмұнын ашу, бұл кезде кейіпкерлерге мінездеме беріліп, мысал мазмұнының жанжалы ашылып, осы мазмұн арқылы балалардың бойында жағымды мінез-құлықтар тәрбиеленеді;
в) сөздікті байыту;
г) құрал-жабдықтар.
Оқу іс-әрекетінің барысы: Кіріспе сөз балаларды тақырыпты немесе автордың суретін көрсетіп, оның өмірбаянын балаларға түсінікті тілмен мәлімдеп қабылдауға ынталандырады.
Тәрбиешінің мысалды жатқа айтуы.
Жаңа сөздерді түсіндіру.
Шығарманың мазмұны бойынша суреттерді қарап, балаларға негізгі 2-3 сұрақты қою арқылы берілген көріністі ашуға ынталандыру.
Мысалды қайталап оқу.
Мысалдың мазмұны бойынша 4-5 сұрақтар қою. Балалардың жауаптары мәтін сөздерімен бекітіледі.
Соңғы сұрақ мысалдағы жанжалды ашуы немесе балалардың өмірінен алынған белгілі тәрбие мәселесін шешуі қажет.
Балалардың мысалды оқуы.
Мысалды жаттату үшін мынадай ойын тәсілдерін пайдалануға болады:сүйікті ойыншығыңа аранап мысал айту, Дымбілмеске оқуды үйрету. Драма жанрын қолдануға болады, рөл бойынша оқу, театр ойнау, көрермендер алдында сөз сөйлеу, өлең тақпақтарды жаңа технологиялы әдістер арқылы пиктограммалар бойынша жаттау.
