Термодинамиканың негізгі түсініктері. Термодинамиканың бірінші бастамасы

Химиялық реакциялар жүргенде көптеген өзгерістер болады: бастапқы әрекеттесуші заттарда химиялық байланыстар үзіледі және соңғы алынатын өнімдерде жаңа байланыстар түзіледі. Бұл жүйедегі өзгерістер энергияның бөлінуі немесе сіңірілуі нәтижесінде жүреді.

Жүйеге сіңірілген жылу , жүйенің ішкі энергиясын өзгертуге және белгілі бір жұмыс жасауға пайдаланылады (термодинамиканың бірінші заңы):

(1.1)

Жүйенің ішкі энергиясы – жалпы энергия қоры, молекулалардың ілгерілемелі, тербелмелі және айналмалы қозғалыстарының энергиясы, молекула ішіндегі атомдардың және атомдар топтарының тербелмелі энергиясы, электрондардың қозғалыс энергиясы, ядро ішіндегі энергия, яғни, бұл жүйенің толық энергиясы, жүйенің кинетикалық және кеңістіктегі орнына байланысты потенциалдық энергиялары есепке алынбайды.