Алғашқы медициналық жәрдем неғұрлым тез көрсетілсе, зақымданудың бұдан былайғы барысы мен сауығу нәтижесі адам өмірін сақтап қалуда шешуші әсер етеді. Қан көп кетіп, электр тогы соққанда, суға батқанда, жүрек қызметі, тыныс алу тоқтағанда, басқада бірқатар жағдайларда дереу алғашқы медициналық көмек көрсетілуі тиіс. Егер зақымданушылар көп болса, ең алдымен балаларға және өте ауыр зақымдалған, жараланған науқастарға көмек беріледі. Қатты жарақаттанғанда дәрігерлік көмек көрсете отырып, оның жеке тәсілдерін орындаудың жүйесін анықтап алу керек. Алдымен зақымданған адамның өмірін сақтап қалуға немесе келесі дәрігерлік көмек көрсетуге қажетті тәсілдер орындалады. Мәселен, ортан жілік сынып, артериядан қан кеткені байқалса, алдымен өмірге қауіпті қан кетуді тыйып, жараға стерильді таңғыш салып байлайды да, аяқ қолды содан кейін ғана иммобильдейді, арнайы шендеуіш салады немесе сынықты қимылдатпайтындай қолда бар құралдарды пайдаланады.
Достарыңызбен бөлісу: |
