8.3. Пән/с модулібойыншасынақ, емтихансұрақтары Жедел медициналық көмек көрсету, оның ішінде медициналық авиацияны тарта отырып көрсету қағидаларын бекіту туралы бұйрық. 4 қиындық категориясы
Ерте жастағы балалар мен жүкті әйелдерді патронаждау: мақсаттары, міндеттері, УПМПС, бағдарламасы бойынша патронаждық мейірбикенің жаңа рөлі,
Жүкті әйел әйелдер кеңесіне есепке тұрғаннан кейін балалар кабинетіне келуі керек, бұл жерде босанғанға дейінгі патронаж парағы толтырылады.
Патронаж дегеніміз – медицина қызметкерлерінің шақыртпай баланың үйіне өз бетімен барып, оны бақылауы.
Босанғанға дейінгі патронаж 2 рет өткізіледі:
• Жүкті әйел жүктіліктің 8-12 аптасында есепке алынғаннан кейін. Мақсаты: уйрету, кеңес беру және болашақ ана мен оның отбасына қолдау көрсету, болашақ ана мен баланың денсаулығына әсер етуі мүмкін қауіп-қатер факторларын анықтау.
• Жүктіліктің 30-32 аптасында. Мақсаты: бірінші босанғанға дейін патронаж кезінде берілген кеңестер мен ұсыныстардың орындалуын тексеру және отбасын баланың туылуына дайындау.
Перзентханадан шыққан бірінші 3 күн ішінде жаңа туылған балаға алғашқы патронаж өткізіледі.
Бұл патронаждың мақсаттары:
• Ананың денсаулығын бағалау;
• Лактацияны (сүттің бөлінуін) бағалау, бала емізгендегі позаларды үйрету, тек емшекпен емізу маңыздылығын түсіндіру
• Баланың күтімін және жаңа туылған бала бұрышын бағалау
• Жаңа туылған баланы көру.
1 айға дейін патронаж апта сайын өткізіледі (4рет). Бала 1 айға толғанда, ана сау баласымен бірінші профилактикалық қабылдауға шақыртылады. Алынған мәліметтерді мейіргер баланың даму тарихына (№112 қ/е) және вакцинация туралы мәліметтерді «Профилактикалық егулер картасына» (№063 қ/е) енгізеді.
1 айдан 5 айға дейін патронаждардың жиілігі айына 2 рет, ал 1 жасқа дейін айына 1 рет.
