Мектеп секторының жұмысы туралы Қала бойынша мектептер саны

Қала бойынша мектептер саны жыл сайын өсіп келеді.

Қазіргі таңда қалада күндізгі жалпы орта білім беретін мектептер саны – 48, 2013 жылмен салыстырғанда 2 мектепке өсті, 2014 жылы «Жаңа орда» шағын ауданында №46 ЖОББМ, 2015 жылы «Арман» шағын ауданында №47 ЖОББМ ашылды. 48 жалпы орта білім беретін мектептер ішінде орта мектебі-46 (95,83%), негізгі -2 (4,2 %) және кешкі ауысымды мектеп -1. Сонымен қатар қалада 5 гимназия (№34,№42,.44,ВБМГ,ЭБГ) және 5 лицей (№27,№28,№35,№38,№41) жұмыс жасайды.

2016-2017 оқу жылында 21 қазақ тілді, 14 орыс тілді және 13 қазақ және орыс тілді мектептер жұмыс жасайды. Соңғы екі жылда (2013- 18 мект қазақша) қазақ тілінде оқытылатын мектептер саны көбейді, себебі «Жаңа орда» , «Арман» шағын аудандарына қазақ тілді тұрғындардың көшіп келіп, мектептің қажеттілігінің тууына байланысты жаңа мектептер №46,47 ашылды.

Шағын жинақталған мектептер саны өзгеріссіз-1 мектеп (№29 НОББМ ), онда 59 оқушы бар. Шағын жинақталған мектептің контингентіне талдау жасасақ 2013 -2016 жылдарда бала саны кеміген жоқ, өзгеріссіз.

Оқу жылы (Уч.годы)	Мектеп саны(Число школ)	Оқытуы қазақша(обучения на каз.языке)	Оқытуы орысша(обучения на русс.языке)	Оқытуы қазақша және орысша(аралас)(смешан.школы)	Гимназия	Лицей	Шағын жинақталған мектеп (Малокомплект. школы)
2013-2014	46	18	15	13	4	5	1
2014-2015	47	20	15	12	4	5	1
2015-2016	48	21	15	12	4	5	1
2016-2017	48	21	14	13	5	5	1

Инновациялық мектептер қазіргі таңда сұранысқа ие, қажет етіледі, онда оқитын оқушылар облыстық, республикалық көлемде жоғарғы көрсеткіштер көрсетіп отыр.

2016-2017 оқу жылында қала мектептерінде 40113 оқушы, оның 22397 бала қазақ тілінде,17716 оқушы орыс тілінде білім алады. 21 қазақ тілінде оқытылатын мектебінде 17871, 14 орыс тілінде оқытылатын мектебінде 12717, 13 қазақ,орыс тілдерінде оқытатын мектебінде 9525 оқушы бар. Жыл санап оқушылар саны артып отыр. Өткен жылмен салыстырғанда 2534 оқушыға артты.

№	Оқу жылы (Уч.годы)	Оқушы саны (Число школ)	Оқытуы қазақша (обучения на каз.языке)	Оқытуы орысша (обучения на русс.языке)
	2013-2014	33475	17841	15634
	2014-2015	35253	19174	16079
	2015-2016	37579	20849	16730
	2016-2017	40113	22397	17716

5-6 жастағы балаларды мектепалды даярлықпен қамтамасыз ету мақсатында 2016-2017 оқу жылы мектепалды даярлық тобында 4519 (4411), өткен жылмен салыстырғанда 108 балаға көбейген, оның ішінде қазақ тілінде оқитындар – 2907 (2015 ж- 2834), орыс тілінде оқитындар - 1612 (2015 ж-1577) бала білім алуда.

Қазақстан Республикасында білім беруді дамытудың 2011 - 2020 жылдарға арналған мемлекеттік бағдарламасының негізінде математика, физика ғылымдары бойынша терең білім беру мақсатында қалада   М.Маметова атындағы №27 физика - математика бағытындағы мектеп-лицейі , №28 жаратылыстану-математика бағытындағы мектеп-лицейі және №41 жаратылыстану-математика бағытындағы мектеп-лицейлері қызмет жасайды.

Оқушылардың білім білік дағдыларын жеке пәндер бойынша жетілдіру мақсатында биылғы оқу жылында жеке пәндерді тереңдетіп оқытып отырған 16 мектеп 255 сынып, 6036 оқушы. Қазақ тілінде 189 сынып, 4426 оқушы.

2016-2017 оқу жылының қорытындысы бойынша 40145 оқушы, оның ішінде қазақ сыныптарындағы оқушылар саны- 22429, орыс сыныптарында -17716 оқушы.

11 сыныпты 1416 оқушы аяқтағалы отыр. Оның 1217 түлек ҰБТ тапсыру үшін базаға енгізілді. «Алтын белгі» белгісінің иегерлері -53, үздік аттестатқа 44 түлек ие болды. 9 сынып бойынша 3031 оқушы аяқтағалы отыр, оның ішінде 141 бала «үздік аттестат» алды.

2016-2017 оқу жылынан мектепті бітірушілер үшін қорытынды аттестаттау – жалпы орта білім беру ұйымдарында өткізілетін 11 (12) - сынып білім алушыларына арналған мемлекеттік бітіру емтиханы және жоғары оқу орындарына түсу емтиханы болып табылатын Ұлттық бірыңғай тестілеудің жаңа форматы енгізілді.

11(12) - сыныптың білім алушылары қорытынды аттестаттау барысында бес емтихан, оның ішінде 4-еуі міндетті пәндер-ана тілі мен әдебиетінен (оқыту тіліне байланысты) - эссе, алгебра және анализ бастамалары (жазбаша емтихан), Қазақстан тарихы (ауызша), қазақ тілінде оқитын мектепте орыс тілінен, орыс тілінде оқитын мектепте қазақ тілінен тестілеу және 1 таңдау пәні (тестілеу).

Ұлттық тестілеу орталығы әзірлеген Web-қосымша арқылы 2017 жылы 1-15 наурыз аралығында 11 сынып оқушылары контингенті бойынша түлектердің деректер базасы жасақталды. Онда оқушылар туралы мәлімет және 5-ші таңдау пәні енгізілді.

Қала мектептері 2017 жылғы 14 сәуірдегі №293-Ө бұйрығымен бекітілген «2016-2017 оқу жылын аяқтау және орта білім беру ұйымдарының білім алушыларын қорытынды аттестаттаудан өткізу туралы» және ҚР Білім және ғылым министрінің 2008 жылғы 18 наурыздағы №125 бұйрығымен бекітілген «Бастауыш, негізгі орта, жалпы орта білімнің білім беретін оқу бағдарламаларын іске асыратын білім беру ұйымдарындағы білім алушылардың үлгеріміне ағымдық бақылаудың, оларды аралық және қорытынды аттестаттау жүргізудің үлгі ережесі» негізінде жұмыстанады.

Орал қаласы бойынша 48 мектеп бар, оның 46-сы жалпы орта білім беретін мектеп. Биылғы оқу жылында түлектер саны -1416. Оның ішінде қазақ сыныптарында - 802 оқушы, орыс сыныптарында – 614 түлек оқиды. 1217 (85,8%) түлек ҰБТ тапсыру үшін базаға отырды. «Алтын белгі» белгісінің иегерлері -53 оқушы. Үздік аттестат иегерлері-44. Білім басқармасының 2017 жылғы 22 мамырдағы №402 бұйрығының негізінде 22 оқушы денсаулығына байланысты емтиханнан босатылды. Оның ішінде 12 оқушы орыс сыныптарынан, 10-ы қазақ сыныптарынан.

1394 оқушы орта мектепті аяқтау үшін мектепте мемлекеттік емтихандар тапсырды. Оның ішінде қазақ сыныптарында – 792, орыс сыныптарында- 602. Емтихандар 29 мамыр басталып, 9 маусым аяқталды.

Мектепте мұғалімдер оқушыларды қорытынды аттестаттаумен қатар ҰБТ –ге дайындалды. Биылғы оқу жылында қала мектептерінің түлектері ҰБТ-ге дайындықты пысықтау мақсатында «5+» бағдарламасының, «Достық» білім беру орталығының сынақ кітапшаларының және «Білімлэнд», «Күнделік.кз», «Тестцентр» сайттарының материалдарын пайдалану арқылы әзірленді.

Сонымен қатар 2017 жылдың 3-5 мамыры аралығында М.Өтемісұлы атындағы БҚМУ № 720 ҰБТӨП базасында ҰБТ тапсыруға ниет білдірген қала мектептерінің 11-сынып түлектеріне жаңа форматта келген сұрақ-кітапшаларымен байқау сынақтары өткізілді. Қала мектеп оқушыларын үш күнге бөліп, аудитория кезекшілері тағайындалып, ҰБТ ережесі негізінде жүргізілді. Мұндағы мақсат оқушыларды жаңа форматтағы сұрақ-кітапшаларымен жұмыстануға дағдыландыру, психологиялық бағытта дайындау және өз білім деңгейлерін анықтап, алдағы уақытта қай бағытта өзін тереңірек дайындау керектігін нақтылауға бағыт беру.

Оқу жылы/уч.г.	түлек саны/ Кол-во выпускн.	Базаға отырғандар/Сели в базу	ҰБТ тапсырғандар/ Сдали ЕНТ	Шығарм.қоспағанда/ без творческ.	Жалпы балл/Общ балл	Орташа балл/Средн.балл	Шекті дең.өтпеген/Не преодолев. порогов.ур.
2016-2017	1416	1217	1087	994	76797	77,26	142

1416 оқушының ҰБТ –ге қатысқаны 1087 (76,7%) түлек. 1217 (85,8%) түлек ҰБТ тапсыру үшін базаға отырды, оның ішінде 130- ы қатыспады. Жалпы түлектерден 329 –ы (23,2%) ҰБТ –ге тапсырмаған.

93 оқушы шығармашылық емтихан тапсыратындар. Жалпы балл- 76797. Орташа балл 77,26.

Кешкі мектепті қосқанда ҰБТ тапсырғандар – 1093 бала. Оның ішінде шығармашылық емтихан тапсыратындар- 94. Жалпы балл -77075. Орташа балл – 77,15 балл. Кешкі мектептен 6 оқушы қатысты, оның біреуі шығармашылық емтихан тапсырады.

Үздік аттетат иегерлері 44 , оның ішінде 38 – і ҰБТ –ге қатысты. 6-уы қатыспады .

50 балл төмен жинаған 72 бала бар.

Инклюзивті білім – бұл мүмкіндігі шектеулі білім алушылардың жалпы білім беру үдерісіне қосылуына, яғни кедергілердің жойылуына және олардың сапалы білім алуына тең қолжетілімділігін қамтамасыз ету мақсатында әлеуметтік бейімделуіне бағытталған білім беру үдерісі.

Бұл бағытта қала бойынша 5 (№3,13,19,22,45) жалпы білім беретін мектептің 50 коррекциялық сыныбында 387 бала білім алуда.

Бұл сыныптар қажетті техникалық және компенсаторлық құрал-жабдықтармен қамтамасыз етілуде.

№	Оқу жылы (Уч.годы)	Мектептер саны (Число школ)	Түзету сыныптар саны (Число коррекцион.кл.)	Оқушылар саны (Число учащихся)
	2013-2014	6	38	216
	2014-2015	6	47	294
	2015-2016	6	48	308
	2016-2017	5	50	387

2016-2017 оқу жылында үйден оқитын мүмкіндігі шектеулі балалар саны- 120 болса, оның ішінде 111 бала күнінен мүгедек балалар үйден оқытумен қамтылды. Үйден оқыту үшін интернет желісі арқылы мүгедек балаларға қашықтан оқытды ұйымдастыру мақсатында техникалық бағдарламалармен жабдықталған 80 компьютер берілді.