Микроағзалардың морфологиясы және оларды зерттеу әдістері

1 2 3 4

Байланысты:
2-дәріс.

Микроағзалардың морфологиясы және оларды зерттеу әдістері.

Микроорганизмдердің морфологиясы - олардың пішіні зерттеу, құрылымын, өсімін молайту және қозғалыс әдістері туралы ғылым болып табылады.

Шар тәрізді бактериялардың жеке-жеке түрлері коккалар делінсе, екі-екіден қосақталған түрлері - диплококкалар, өзара тіркескен, моншақ тәрізделгендері - стрептококкалар, төрт-төрттен; тіркескендері - тетракоккалар делінеді де, сегіз-сегізден текшеленгендері - сарциналар делінеді.
Ал олардың стафилококкалар деп аталатын бір тобындағы шар тәрізді бактериялардың орналасуы жүзімнің шоқ жемісіне ұқсайды.

Таяқша тәрізді бактериялар ұзындығына, диаметріне, клеткалар ұшының пішініне, споралардың түзілуіне қарай бірнеше топтарға бөлінеді.
Спора түзуші топтарын — бациллалар және клостридиялар, ал түзбейтіндерін — бактериялар деп атайды.
Таяқша тәрізді бактерияларды клеткаларының орналасу тәртібіне қарай бірнеше топтарға бөледі: диплобациллалар немесе диплобактериялар - екі-екіден қосақтала орналасқан таяқша тәрізді бактериялар.
Стрептобактериялар - моншақ тәрізді тізіле орналасқан таяқша тәрізді бактериялар.
Кейде пішіні шар тәрізді бактерияларға тым ұқсас, таяқша тәрізді бактерияларды да кездестіруге болады. Оларды коккобактериялар деп атайды.
Спора түзетін клеткалары тізбектеле орналасқандарын стрептобациллалар деп атайды.

Достарыңызбен бөлісу:

1 2 3 4