Оқыту және оқу тәжірибесіне өзгеріс енгізуі туралы рефлексиялық есеп

Қазіргі әлем жылдам өзгеруде. Сол өзгерістер білім беру жүйесін қайта қарау қажет екендігін паш етті. Білім беру саласында оқушылар үшін білім де, дағдылар да терең дәрежеде маңызды деген ортақ ұстаным қалыптасуда. Заманауи тәсілдің ең негізгі ерекшілігі оқушылардың алған білімдерін жай ғана иеленіп қоймай, оларды орынды жерде қолдана білуіне басты назар аудару болып табылады, ал ХХІ ғасырда талап етілетін дағдылардың мәні осында (1).

Бағдарламаның жеті модулін тізбектелген сабақтар топтамасына енгізуді жоспарлап отырмын. Орта мерзімді жоспарды құрастырғанда осы бағдарламаны басшылыққа алмақшымын. Оқыту мен оқудағы жаңа тәсілдерді өз тәжірибемде қалай ықпалдастыратынымды жоспарламақшымын. Жоспарды құра отырып, өзгерісті енгізу арқылы белгілі бір нәтижеге қол жеткізуіме мүмкіндік туады. Ең бірінші оқыту мен оқу мақсаттарын дұрыс қоюды көздедім. Сол мақсаттарға жету үшін міндеттерімді айқындап алу керек болды. Оқудың әрбір кезеңінен бастап соңына дейін алға ілгерілеудің болуын қамтамасыз ете отырып, сыныптағы барлық оқушыларды қамту үшін жоспар жасаймын.

Менің оқушыларым нені білуі керек?

Олар нелерді зерттеп талдауы керек? деген сұрақтарға жауап іздеу мақсатында орта мерзімді жоспарлауға кірістім. Өзімді өзгерту үшін бірінші бетпе-бет кезеңінде алған теориялық білімімді іс-тәжірибемде қолдануым керек. Мен орта мерзімді жоспарлау үшін өзім жетекшілік ететін 3 «Б» сыныптың әдебиеттік оқу пәнін таңдап алдым. Тізбектелген төрт сабақтың жоспарын жасадым. Бұл пәннің «Талаптан да, білім үйрен» тарауын алып, бағдарламаның жеті модулін ықпалдастыра отырып, осы тарау бойынша өзіме мынадай мақсат қойдым: оқушылардың сөйлеу әрекетін меңгерту арқылы өзін-өзі реттейтін, сыни ойлана алатын, сөздік қоры жетілген тұлғаның сөз өнеріне деген қызығушылығы мен эстетикалық талғамын қалыптастыру, ойын толық жеткізіп сөйлеу дағдылары мен жазбаша тілдерін жетілдіру.

Сабағыма жаңа әдіс-тәсілдерді: «Сын тұрғысынан ойлау», «Диалогтік оқыту», «Алма-кезек оқыту», «Аялдама», «Өрмекші торы» т.б старатегияларын енгізуді жөн көрдім. Сондықтан мен әдебиеттік оқу сабағында оқушыларды өз ойын еркін, бүкпей айтуға, топта ынтымақтастықта бірлесе жұмыс жасауға қалыптастыруым керек деп шештім. Ең алдымен топтық жұмысты дұрыс ұйымдастырудан бастамақшымын. Әдебиеттік оқу  пәнінен  сабақ өткізу барысында, ең алдымен сыныпта шаттық шеңберін құруда балалардың жас ерекшелігіне назар аудара отырып, оқушыларды топқа бөліп аламын. Бұл сабақтарда  барынша жеті модульді қамтуға тырысамын. Бұл сабақтардың нәтижесінде оқушыларым топта жұмыс жасай отырып, жұптасып, ұжымдасып ақылдаса отырып, бір шешімге келеді және өз ойларын еркін жеткізе алады. Әр берілген тапсырмаларды орындау барысында оқушылар өзі үшін емес, топ үшін жұмыс жасау керектігін түсіне бастайды. Өз-өздерін бағалау арқылы, ешбір жұмыстың және оқушының бағаланбай қалатынына көздері жетеді деген ойдамын. Бұндай тәсілдердің оқушыларымның әділ бағаланатынына көмектесетінін түсіндім.

Сын тұрғысынан ойлау – Қазақстандағы білім беруді дамыту үшін маңызды болып табылатын қазіргі ең басты педагогикалық түсінік. Бұл модуль оқушылардың да, мұғалімдердің де сын тұрғысынан ойлауды дамытуды саналы және оймен қабылдауын көздейді (2).

Сын тұрғысынан ойлауға үйретудің ерекшелігі сол оқушылар өз ойларын еркін айтып, ой қорытып, оны мысалдармен дәлелдей алады. Жалпы оқушылар жаттанды пікірлер айтып шектелмейді. Керісінше оқығанынан ой тұжырымын жасайды. Сын тұрғысынан ойлауға үйрету – ой қозғай отырып, оқушының өз ойымен өзгенің ойына сыни қарауы. Оқығанын талдап, салыстырып жүйелейді. Білмегенін іздеп, дәлелдеп, тұжырым жасайды. Бұл әдістің тиімділігі сол балалардың ойлау белсенділігін шарықтатады. Әсіресе әдебиеттік оқу пәнінде эссе жазуға, өлең шығаруға, әңгімені терең талдап өмірмен байланыстыруларына мүмкіндік береді.

Мәтіндермен жұмыс істеу барысында «Диалогтік оқытуды» енгізуді жөн көрдім. Бұл жердегі мақсатым оқушының сабаққа деген қызығушылығын арттыра отырып, әңгіме барысында бір – бірімен диалогқа түсіріп, өз идеяларын дәлелдеуге көмектесіп, бірігіп ойланып, олардың өз пікірлерін еркін жеткізе алуларына ықпал ету. Сабақта суреттер топтамасын беру арқылы «Алма-кезек оқыту стратегиясы» қолданбақшымын. Әр топ мәтіннің мазмұнына байланысты сұрақтар қояды және топтар бірін – бірі ауызша бағалайды. Осындай бірнеше жұмыстардан кейін менің оқушыларым: өздерінің шығармадан алған әсерін ауызша және жазбаша әңгімелеп беріп, шығармаға, оның мазмұны мен кейіпкерлерге деген өзінің жеке сыни пікірін айта алады, топтық жұмыс барысында өзара түсінушілік, сыйласымдылықтағы тұлға қалыптасады, өзгенің пікірін тыңдап, шешім қабылдап, алған білімін өмірде пайдалана алады деп үміттенемін. Сабақта дұрыс сұрақтар қойып, баланың ынтасын жетелеу, қызығушылығын ояту арқылы оқыту, үйрету қажет деп ойлаймын.

Менің алға қойған мақсатым әрбір оқушының пәнге деген қызығушылығын оятып, сыни ойлауға, еркін сөйлеуге, өз ойын жеткізе алатын, барлық пәндердің қыр-сырын терең меңгеруге үйрету. Сол мақсатыма қол жеткізу үшін өзгерісті енгізуді жалғастыруым керек деп ойлаймын. Көп оқи отырып ізденемін, жаңалыққа ұмтыламын, білуге құмар, қызығушылығы бар мұғалімдерге өзімнің білетінімді үйретуге дайынмын.

Мектептегі тәжірибемді өзім еңбек етіп жатқан «Жарық жалпы орта білім беру мектебі» коммуналдық мемлекеттік мекемесінде өткізбекшімін. Мектептің педагогикалық ұжымында 86 мұғалім қызмет жасайды. Мектепте барлығы 700 оқушы, оның 62-сі мектепалды даярлық топ оқушылары. Мектебімізде «Бөбек» шағын орталығы жұмыс істейді. Онда 25 тәрбиеленуші бар. Ұжымдағы мұғалімдердің басым көпшілігі коучингке қатысуға құлшыныс білдіреді деген ойдамын.

Мектептегі іс-тәжірибе кезеңімде бірінші коучинг сабағымның тақырыбын «Сын тұрғысынан ойлауға үйрету» деп алуды жоспарлап отырмын. Бұл коучингті бастауыш пәндер әдістемелік бірлестігінде өткізбекшімін. Бұндағы мақсатым: ең алдымен мектебіме өзім оқып жатқан «Педагогикалық қоғамдастықтағы мұғалім көшбасшылығы» бағдарламасының мақсаты мен міндеттерін түсіндіру және жеті модуль туралы ақпарат бере отырып, оның ішіндегі сын тұрғысынан ойлауға үйрету модулінің оқушы мен мұғалімге маңыздылығын, жаңа стратегияларынын сабақта қолданудың тиімділігін түсіндіру болады.

Сын тұрғысынан ойлау - Қазақстандағы білім беруді дамыту үшін маңызды болып табылатын қазіргі ең басты педагогикалық түсінік. Бұл модуль оқушылардың да, мұғалімдердің де сын тұрғысынан ойлауды дамытуды саналы және оймен қабылдауын көздейді. Сын тұрғысынан ойлау маңызды мәселелерді талқылау және тәжірибені ой елегінен өткізуді қамтиды (2).

Бұл модульдің мен үшін маңыздылығы неде деген сұрақ туындады? Сын тұрғысынан ойлау – күрделі психологиялық үдеріс екенін ғалымдар болжап кеткен. Сын тұрғысынан ойлаудың дәстүрлі оқытудан айырмашылығын осы курс барысында түсіндім. Сын тұрғысынан ойланта отырып, оқушылардың ойларын еркін айтуға, өзара пікір алмасуға, шығармашылықтарын дамытуға мүмкіндігі мол болары сөзсіз деген ойдамын.

Әріптестеріме бұл тақырыптың қажеттілігі – әлем жылдам өзгеру үстінде, қарқынды өзгеріп жатқан әлемдегі білім саласындағы мұғалімдер үшін ең басты мәселе болғандықтан, әдістемелік көмек ретінде, бұрынғы дәстүрлі оқытудан жаңаша оқытудың әдіс-тәсілдерімен таныстыру, оқушылардың сын тұрғысынан ойлауын дамытуға, проблемаларды зерделеу мен проблемаларды жекелей және топта шешімін табуға бағытталған заманауи бағдарлама идеясымен бөлісу.

Коучингте әріптестер сыни ойлану дағдысын қалыптастыру арқылы, сыныпта топтық жұмыстарды дұрыс жүзеге асыру үшін қажетті дағдылар жөнінде бір-бірлерімен пікір алмасады, олардың өз тәжірибелерінде тиімді екеніне көздері жетеді.

Өзім бастауыш сынып мұғалімі болғандықтан сын тұрғысынан ойлаудың негіздерін кішкентай балалармен жұмыс барысында, қажетті дағдыларды дамыту мақсатында білім берудің ерте кезеңінен дамыту керек деп ойлаймын. Оқушылардың ақпаратты талдап, салыстырулар жүргізіп, дәлелдер келтіре отырып білімді өздігінен игеруге жағдай жасалады.

Біздің мектебіміздің мәнмәтініндегі маңыздылығы – сын тұрғысынан ойлауға үйрету арқылы білім алушыдан ойын ашық айта білетін, өз идеясын іске асыра білетін, білімін қолданып, талдап, жинақтай білетін бәсекеге қабілетті жеке тұлға қалыптастыратындығында.

Бастауыш сыныптың кез келген сабақтарында «Сын тұрғысынан» ойлаудың стратегиясын қолдануға болады. Әртүрлі тапсырмалар дайындауда біз баланың жас ерекшеліктеріне назар саламыз. Коучинг барысында топтық жұмыс жасау кезінде ынтымақтастыра отырып, әлеуметтену арқылы танымын дамытуға арналған тапсырмалар қалай береміз осы мәселелер туралы сөз қозғамақшымын. Әркімнің пікірінің құндылығын ескере отырып, оқушыларға ашық сұрақтар қоя білу де мұғалімнің шеберлігіне байланысты деп айта аламын. Бұрын мен өз сабағымда сұрақты қойып, оның жауабын оқушы білмесе келесі оқушының жауап беруіне мүмкіндік бермей, асығыстық жасап, айтуларына көп мүмкіндік бермегінімді түсіндім. Қазіргі сабақтарда біз көп сөйлемей, тиімді сұрақтар қоя отырып, бағыт бағдар беру керектігін осы курс аясында түсініп, ой елегінен өткізіп отырмын.

Болашақта сабақ беру үрдісімді түбегейлі өзгертпекпін. Осыны коучинг барысында мұғалімдерге көрсеткім келеді. Ортақ мәселені ынтымақтаса отырып, бірігіп талдап, саралап шешсек қана, оның нәтижесі оң болмақ.

Коучингке бастауыш сынып мұғалімдерінің барлығы қатысады деп жоспарлаудамын.

Мектептегі тәжірибе кезінде өзімнің әріптесім бастауыш сынып мұғалімін тәлім алушы қылып аламын деп жоспарлаудамын. Тәлім алушыны анықтап алу мақсатында тәжірибесі мол, бастауыш сынып мұғалімі болып қызмет етіп келе жатқан, оқу ісінің меңгерушісімен пікірлеспекшімін. Әдістемелік отырыста мұғалімдерден ұсыныстар түсуі мүмкін деп ойлаймын.

Осы «Педагогикалық қоғамдастықтағы мұғалім көшбасшылығы» бағдарламасының мақсаты мен міндеттерімен таныстырамын, тәжірибе кезеңінде кез-келген әріптеске тәлімгерлік ететіндігімді айтамын. Бағдарламадағы жеті модуль ерекшеліктерімен таныстырамын. Бағдарламадағы әдіс-тәсілдер оқушыға дайын білімді беріп қана қоймай, өздігінен оқи білуіне, ізденуіне, кез-келген жерде өз пікірлерін айта алуларына жол ашатыны туралы ақпарат бермекшімін.

Тәлімгер мен тәлім алушының алты аптаға арналған жоспарын жасаймын. Алдыма қоятын мақсатым: Тәлім алушының өз мүмкіндіктерін пайдалануға ықпал ету, кәсіби әңгіме жүргізу арқылы алдында кездесетін кедергілерді жеңуге көмектесу, бағдарламаның жеті модулімен таныстыру, орта мерзімді мен қысқа мерзімді жоспарларды жазуға үйрету, өзіне деген сенімін арттыру негізінде тәлімгер болуына белсенді түрде дайындау.

Тәлімгерлік ету барысында тәлімгер өзінің білімімен, тәжірибесімен бөліседі, ал тәлім алушы еңбек жолында айтулы жетістіктерге жету мақсатында өзінің кәсіби дағдыларын дамытып, проблемаларды шешу жолдарын іздейді(3).

Тәлім алушымен кездесіп, екеуіміздің арамызда кәсіби әңгіме жүргіземін. Алдымен жоспармен таныстырып, мақсатымды айтамын. Орта мерзімді жоспарлау үшін сабақ беретін бір пәнді таңдап алуды ұсынамын, сабақта бір стратегияны пайдалануды ұсына отырып, сабақтарды бірігіп отырып жоспарлайтынымызды айтамын. Жұмыс жоспарын бірігіп отырып талдаймыз. Орта мерзімді жоспарлауды үйретемін. Орта мерзімді жоспар жасауда  қадамдардың  маңыздылығын, нәтижелілігін маңыздығы туралы түсіндіремін. Сабақтарды жоспарлауда ұсыныстар айтамын.

Ең бірінші мен тәлім алушының дәстүрлі сабағына қатысып, бақыламақшымын және бейнежазбаға түсіремін. Кейін бейнежазбаны бірге қарап отырып, талқылауды ұсынамын. Дәстүрлі сабақтан байқағандарымды тәлім алушымен кері байланыс кезінде айтпақшымын. Сабақтарда әртүрлі жаңа әдіс-тәсілдерді пайдалануды ұсынамын. Себебі, оқушылардың сабаққа деген қызығушылықтарын арттыру мақсатында түрлі тапсырмаларды беріп, түрлендіріп өткізуін сұраймын.

Тәлім алушыма мұғалімдерге арналған нұсқаулықты ұсынбақшымын. Ұсынудағы себебім, сол жерден керек ақпараттармен танысуын сұраймын. Бірінші бетпе-бет кезеңінде алған үлестірме материалдармен де танысып шығуын өтінемін.

Сабақ беру үдерісіне тиімді ресурстарды, қазіргі заман талабына сай ақпараттық-коммуникативтік технология мүмкіндіктерінің тиімді жолдарын сабақта қолдануын ұсынамын.

Тәлімгер ретінде тәлім алушыма сабақтарын жоспарлауға көмектесемін. Мен ұсынған стратегияларды қалай қолдануға болатынын және оны қолданудың тиімді жолдарын көрсетемін. Сұрақтарды дұрыс қоя білуін, топтық жұмыстарды ұйымдастыруын, тапсырмаларды дайындауда жас ерекшеліктерін естен шығармауын өтінемін.

Мен алдағы мектептегі іс-тәжірибеден өту кезінде, тәлім алушының таңдаған пәні бойынша төрт сабағына қатысуды жоспарлап отырмын. Тәлім алушы менің ұсыныстарымды жылы қабылдайды деп үміттенемін. Кері байланысты ауызша және бейнежазбаны бірлесе талқылап, талдау мақсатында жүргізбекшімін. Тәжірибе барысында тәлім алушымның сәтті тұстары мен сәтсіз тұстарын бағамдап, алда жазатын есебімде ашық көрсетпекшімін. Әріптестерімнің іс-тәжірибесіне өзгерістер енгізіп, оқытудың әдіс-тәсілдерін тиімді пайдалануды үйретуге болатынын осы бірінші бетпе-бет кезеңінде түсіндім.

Тәлімгерлік үдерісі арқылы оқу мен оқытудағы өзгерістерді жүзеге асыруды әрі қарай жалғастырамын. Мен тәлім алушымның іс-тәжірибесін жақсартуда әлі де жаңа стратегияларды енгізуді алдағы жұмыстарыма мақсат етіп қоямын. Осы мақсатқа қол жеткізу үшін үнемі оқып, ізденіп, білімімді шыңдап әріптестесіммен бірге жұмыс жасаймын деген ойдамын.

Заманауи қоғамның тіршілігінде қоғамдастықтың маңызы күннен күнге артып отыр. Қазіргі заманғы ұйымдар кәсіби қоғамдастықтың білім және инновациялар алмасу үдерісінде маңызды екендігін атап көрсетуде (4).

Мектептегі тәжірибе кезінде мен мұғалімдермен қалай жұмыс істеуім керектігінің сызбасын түсіріп алмақшымын. Содан кейін мақсатым айқын болғандықтан жоспар жасауға кірісемін. Мақсат қойған соң міндеттерімді негіздеп алуым керек. Соңынан қандай нәтижеге жетемін деген ойда мазалап қояды. Сол үшін мен тынбай еңбектенуім керектігін сезіндім. Қалай өзгеріс енгізбекшімін, оны қалай жүзеге асырамын деген сұрақтардан туындайтын ой, өзімнің қөзқарасымның өзгеруіне алып келді. Оны осы курс аясында түсіндім. Осы бағдарлама идеясын жүзеге асыруым керек.

Қоғамдастықтың жұмыс жоспарын толықтыру мақсатында мен мектеп әкімшілігімен кездесіп, кеңес аламын. Жоспарланған іс-шараларды өткізуге әріптестерімді тартамын.

Ең бірінші мектептің мұғалімдерін саралаудан бастамақшымын. Мектепте барлығы 86 мұғалім бар. Мұғалімдердің сапалық құрамы жақсы деңгейде. Бұрын біздің мектебімізде «Ұлағат» желілік қоғамдастығы болды. Оның құрамындағы деңгейлік курсты бітіріп келген мұғалімдері мен қоса басқа мүшелерінің жұмыстары жүріп жатты. Енді менде өз үлесімді қосуым керек деп шештім.

Мектебімде жаңашыл орталар құрылған, менің жоспарымды толық жүзеге асыруға болатынына сенімдімін. Мектептегі деңгейлік курстан өткен барлық мұғалімдер саны - 13. Оның ішінде бірінші деңгейлі - 4, екінші – 4, үшінші деңгейлі - 5 мұғалім бар.

Табысты кәсіби қоғамдастықты дамыту үшін жігерлі әрі табанды жұмысты талап ететінін ұғындым. Жалпы мұғалімдермен жақсы қарым-қатынас орната отырып, ынтымақтаса жұмыс жасаса бірқатар жетістіктерге жетуге болатыны сөзсіз. Әрине білім беру жүйесіндегі барлық проблемаларды бірден шешіп тастау мүмкін болмаса да, балалардың жетістіктерін құрауға көпірше бола алады дегім келеді. Сол көпіршелер арқылы өз біліктілігіңді арттыра отырып, қарым–қатынас орнату. Қазіргі заманда ақпараттар өте көп, соның бәрін қабылдау міндет емес, сол ақпараттардың балаларға тиімдісін, керегін алуға бағыт бағдар беру біздің міндетіміз. Осы жолда қоғамдастықтардың арасында сенім болса, жұмыс жақсы нәтижесін береді. Өзімнің көшбасшылығымды дамыту үшін мынадай іс-әрекетті жасаймын. Зерттеу топтарын құруға болады.

Бірінші бетпе-бет кезінде алған педагогикалық қоғамдастық туралы білімді жүзеге асыруда, қоғамдастық мүшелерін ынтымақтастықта жұмыс істеуге шақырамын. Мектеп ұжымы, мектеп әкімшілігі мені қолдайды деген ойдамын. Мектептің даму жоспарымен таныса отырып, өзімнің жасаған жоспарыма өзгерім енгіземін. Себебі, ондағы маған қатысты мәселелердің барын анықтап аламын. Даму жоспарын зерделей отырып, қыркүйек айында желілік қоғамдастықты кеңейту үшін, екінші аптасынан бастап коучинг сессиясын өткіземін сұраныс білдіремін.

Тәжірибе кезіндегі туындаған мәселелерді айқындау алу мақсатында, сауалнамалар алуға болады. Коучинг, семинарларды қалай өткізу керек және оның уақыты жайлы дөңгелек үстел өткізбекшімін. Ұжымның барлық мүшелерімен пікір алмаса отырып, ортақ мәселелерді бірігіп шешпекшіміз. Дөңгелек үстел басындағы әңгімелердің мұғалімдер шеберліктерінің шыңдалуына пайдасы болады деп ойлаймын. Әріптестеріме ықпал ету үшін, үш коучинг өткізуді жоспарлап отырмын. Оқыту мен оқудың дамуына қолдау көрсету үшін «Өзгергіңіз келе ме?» деген сауалдар қоя отырып, мұғалімдердің қаншалықты өзгергісі келетінін анықтап аламын және қорытындысын саралаймын. Алғашқы коучингімнің соңында сауалнама алмақшымын. Бұндағы мақсатым мектептегі проблема, түйінді мәселені анықтап алу керек болады. Келесі жұмысымды жалғастыруда маған керек болады.

Бұрынғы мұғалімдердің өткізіп жүрген дәстүрлі сабақтарына ойша сараптама жасай отырып, «ХХІ ғасырға мұғалімдер оқушыларды қалай дайындайды?» сұрағы ойымнан кетпей қойды. Сол себепті мұғалімдерге бағдарламаның идеясын қалай жеткізбекшімін деп жоспар жасап алуға кірісемін. Өзімнің сабақ өткізу барысымды түбегейлі өзгертемін, коучинг өткізу арқылы, тәліпке тәлімгер бола отырып, қоғамдастық жұмысын ұйымдастыруда көшбасшылық танытып, әріптестерімнің тәжірибесін дамытамын. Одан күтетінім:

- мұғалімдер өз сабақтарына 7 модулді кіріктіре алады,

- білім алудың жаңа тәсілдерін меңгереді,

- білім сапасын артады,

-озық іс-тәжірибелер насихатталады. Күтілетін нәтижелерге қол жеткізгенімді жұмыс барысында анықтап ала аламын деген ойдамын. Яғни, әріптестерімнің айтқан әр сын-пікірлерін, кеңестерін, топтарда орындаған жұмыстарына жасаған талдауларын тыңдып, талдап, өз ойыммен салыстыра отырып ой-тұжырым жасаймын.

Коучингтердің тақырыбын таңдауда осы ойларды жүзеге асыруды басты назарда ұстауым керектігін ұғындым. Мұғалімдердің қажеттіліктеріне ерекше ілтипатпен көңіл қоятын боламын. Іс-шараларды жоспарлай отырып, оқу процесіне өзгеріс енгіземін. Мынадай тақырыптарда коучинг өткізбекшімін: «Сын тұрғысынан ойлау», «Диалогтік оқыту», «Мектептегі мұғалімнің көшбасшылығы». Бұндағы мақсатым: бағдарламаның түйінді идеясын жеткізу, бағалаудың түрлерімен таныстыру, өзін-өзі бағалауға үйрету, тәжірибелерінің өзгеруіне ықпал ету.

Алынған тақырыптар жөнінде таныстырылымдар жасап, оқыту тәсілдерін іс-тәжірибеде қолдана алу мүмкіндіктерін көрсетемін. Сабақ үдерісіне жеті модульді ықпалдастырып, топтық жұмыстардың, сабақтағы оқыту тәсілдердің тиімділігін көрсетемін. Әріптестеріммен диалогқа түсу арқылы, жаңаша әдістердің маңыздылығына көздерін жеткізе аламын деген ойдамын және өз іс-тәжірибелерінде пайдалана алуларына септігімді тигізсем, бір мақсатымның орындалғаны деп білемін. Оқушылардың төрт дағдыларын дамытуда «Сын тұрғысынан ойлау», «Блум таксономиясы», «Дилогтік оқыту» сияқты стратегияларды сабақтарда қолданса тиімдірек болады. Бағалаудың өзіне де мән беріп, өзін өзі бағалау арқылы кері байланысқа түсіруіне ықпал етемін.

Бір тәлім алушыға тәлімгер болып, екеуіміздің арамызда жеке тұлғаға бағытталған ұзақ мерзімді үрдіс құрылатыны мені қуантады. Себебі, өзімнің бірінші бетпе-бет кезінде алған білімімді үйрету, мен үшін үлкен жауапкершілікті іс деп санаймын.

Өзім бастауыш мұғалімі болғандықтан, тәлім алушыны бастауыш сынып мұғалімінен алмақшымын. Алдымен тәлім алушымен кездесіп, кәсіби әңгіме жүргіземін. Мақсатым мен жоспарымды таныстырғаннан кейін, сабақтарыма шақырамын. Өз сабақтарыма 7 модулді ықпалдастыра отырып, оның тәжірибесіне тиімді болатын жақтарын талқылаймын. Дәстүрлі сабақтарын бейнежазбаға түсіріп, сабақты бірге талдай отырып, кеткен кемшіліктерді жою мақсатында келесі сабағын бірге жоспарлаймыз. Жеті модульді сабақта қалай ұтымды қолдануға болады деген кеңестер өткіземін, пайдалануға арналған ресурстар ұсынамын. Орта мерзімді жоспар мен қысқа мерзімді жоспарларды жасауды үйрете отырып, оның қадамдарының маңыздылығына көз жеткізуді жоспарлап отырмын. Оқыту мен оқу мақсаттарының дұрыс қойылуына мән бермекшімін. Тәлім алушымның сұранысын ескере отырып, оның тәжірибесіне тиімді болатын жұмыстың түрін талқылаймын және ұсыныстар айтамын. Сұхбат жүргіземін, кеңес беремін, бағалау түрлерімен таныстырамын, кейін ол өз жұмысындағы жетістіктер мен кедергілердің  себептерін талдай алатын болады. Әр сабақтардан кейін өзара пікірлесіп, кері байланыс жасап, біріге отырып сабақтарын жоспарлаймын. Орта мерзімді жоспарлау арқылы тәлім алушының тәжірибесіне жаңа әдіс-тәсілдерді енгізуге ықпал жасаймын. Тәлім алушының сабақтарына қатысып, бұрынғы өткізген сабақтары мен қазіргі сабақтарын салыстыра отырып, кәсіби әңгіме жүргіземін. Алдағы жұмысымды тәлім алуышының кәсіби дамуына бағыттап отырмақшымын.

Болашақта мен өзімнің тәжірибемнің өзгеріп жатқандығын аңғарамын деп толық айта аламын.

Қоғамдастық аясындағы жұмысқа өзімнің оқыған Нілді станциясындағы «Успен» орта мектебінің ұжымын тарта отырып, олармен бірлесе жұмыс істеуді көздеп отырмын. Себебі, ол мектептегі деңгейлік курс оқыған мұғалімдерінің санының аздығы. Жылдам өзгеріп жатқан әлемде көштің соңында қалмай, оқыту мен оқудағы жаңа әдіс-тәсілдерді үйреткім келеді. Мұғалімдерге оқытуда пайдалы кеңестер мен жаңа мүмкіндіктерді ұсына аламын. Басқа мектептердің көшбасшыларымен де тығыз қарым-қатынас жасасақ, нәтижесі жақсы болмақ деген ойдамын. Мектептің дамуына әрбір мұғалімнің оқыту мен оқуда жаңа әдіс-тәсілдерді қолдану арқылы үлес қоса алуына білімі мен біліктіліктерінің жететіні сөзсіз.

• 
  Мектеп әкімшілігі
  
• 
  Тәжірибелі мұғалімдер
  
• 
  Біліктілік арттырудың деңгейлік курстарында сертификатталған мұғалімдер
  
• 
  Жас мұғалімдер
  

• 
  Мектептердегі ортақ проблемаларды шешу үшін мектеп аясында тәжірибе алмасу;
  

• 
  Мектептердің мұғалімдерінің арасындағы ынтымақтастықты қалыптастыру және кәсіби біліктілікті арттыру жолында қолдау көрсету;
  
• 
  Мәселені бірлесе отырып талқылау, талдау, ақпарат бөлісу;
  
• 
  Үздік педагогикалық тәжірибелерді тарату;
  

• 
  Бірлесіп, өзара тәжірибе алмасу, мұғалімдердің кәсіби біліктілігін арттыру арқылы оқушыларымыздың білім сапасының оң нәтижеге жетуіне ықпал ету;
  

• 
  Қоғамдастық мүшелерімен сенімді қарым-қатынас құру,
  
• 
  Қоғамдастық ішінде жағымды ахуалды қалыптастыру,
  
• 
  Қоғамдастықтың ережесін жасау,
  

1. 
   Қоғамдастықтың әрбір мүшесі шынайы көзқараста болуға міндетті.
   
2. 
   Әрбір мүше сенімді қарым-қатынас жасауы керек.
   
3. 
   Әрбір адамның пікірін бағалап, сыйластықпен қабылдау керек.
   
4. 
   Тыңдау әдебін сақтау керек.
   
5. 
   Көзбе-көз қарым-қатынастарда, желілік байланыс кезінде жоғары мәдениетті сақтауы тиіс.
   

• 
  Кәсіби біліктіліктері жетіледі
  
• 
  Кәсіби даму жөніндегі бірлескен іс-шаралар жүзеге асады
  
• 
  Бірлескен тренингтер мен семинарлар ұйымдастырылады
  
• 
  Мұғалімдер жаңа идеялармен алмасады
  
• 
  Білім сапасы көтеріледі.
  

1.Мұғалімге арналған нұсқаулық, 5бет.