Педагогикалық іс-әрекет дегеніміз
жүктеу/скачать 19,78 Kb.
|
Педагогикалық іс
- Бұл бет үшін навигация:
- Мазмұны жағынан іс-әрекеттерді
- Мұғалімнің іс-әрекетінің құралдары мыналар болып есептеледі
|
Педагогикалық іс-әрекет дегеніміз - мұғалімнің оқу-тәрбие істерін нәтижеге жеткізетін әрекеттер құрылымы. Қоғам дамуымен түрлі елдерде түрлі оқыту сатыларда , оқыту мазмұнында, оның мақсаттарында өзгерістер болған, – мұғалімдер мен педагогтардың педагогикалық іс-әрекеттері арқылы әлеуметтік-мәдени тәжірибені беріп отырған. Ал педагогтің білім мен ақпаратты тасымалдаушы ғана болуы бүгінгі күнде жеткіліксіз. Ендеше бүгінгі мұғалім жоғары педагогикалық және психологиялық мәдениетті меңгеруі міндетті. Мазмұны жағынан іс-әрекеттерді: танымдық (қоршаған әлем туралы білімдермен қарулану, дүниені танып білу); зерттеушілік (белгісіз құбылыстарды зерттеу процессі); коммуникативтік (қарым-қатынас орната алу, тіл табыса алу процестері); білім берушілік {басқаларға білім беру процесі); өзгертушілік (қоғамды өзін жетілдіру процесі) болып ажыратылады, Мұғалімнің іс-әрекетінің құралдары мыналар болып есептеледі: 1. Ғылыми білімі; 2. Білімді тасығыштар ретінде оқулықтағы мәтіндер, бақылаулар, практикалық сабақтардағы қатысулар, экскурсиялар, және т.б; 3. Көмекші құралдар ретінде: техника, , компьютер және т.б. Н.В.Кузьмина педагогикалық іс-әрекет құрылымында 3 компонентті көрсетеді: - құрылымдық, оқу материалын таңдау, педагогикалық процесті жоспарлау және құру, өз әрекеті мен оқушылар әркеетін жоспарлау, - ұйымдастырушы, оқушылардың әр түрлі іс-әрекетпен айналысып, ұжым және біріккен іс-әрекетті ұйымдастыру - коммуникативті Педагогикалық іс-әрекеттің негізгі мақсаты –білім алушының дамуы болып табылады, оның ақыл-ойының шыңдалуы, жеке тұлға ретінде қалыптасуы. К.Д. Ушинский айтқандай, «мұғалім өзінің білімін үздіксіз көтеріп отырғанда ғана мұғалім, оқуды, ізденуді тоқтатысымен оның мұғалімдігі де жойылады». Педагогикалық іс-әрекеттің өнімділігінің бес дәрежесін ажыратады: «І – (минималды) репродуктивті; педагог өзі білгенін өзгелерге айтып бере алады; продуктивті емес. ІІ – (төмен)бейімделуші; педагог өз хабарламасын аудитория ерекшелігіне бейімдей алады; аз продуктивті. ІІІ – (орташа) локалды модельдеуші; педагог оқушыларды курстың әр бөлімдері бойынша білімге, дағдыларға, іскерліктерге үйрету стратегияларына ие (яғни, педагогикалық мақсат қою, іздестіру нәтижесі бойынша өзіне жауап беру және оқушыларды оқу-танымдық іс-әрекетке біртіндепен енгізу; орташа продуктивтілік. IV – (жоғары) оқушылардың жүйелі модельдеуші білімдері; педагог жалпы пән бойынша оқушылардың дағдылар, іскерліктер ізденістегі білімдер жүйесін қалыптастыру стратегиясын меңгерген; продуктивті. V – (ең жоғарғы) оқушылардың жүйелі модельдеуші іс-әрекеттері мен мінез-құлықтары; педагог өз пәнін оқушы тұлғасын қалыптастыру, оның өзін- өзі тәрбиелеуге, өзін-өзі оқытуға, өзін-өзі дамытуға қажеттіліктерін қалыптастыру құралына айналдыру стратегиясын меңгерген; жоғарғы продуктивтілік . жүктеу/скачать 19,78 Kb. Достарыңызбен бөлісу:
|