Америка Құрама Штаттарының ХХ ғасырдың 80-жылдары мен ХХІ ғасырдың басындағы ең негізгі саяси, әлеуметтік-экономикалық дамуы туралы білімдерін қалыптастыру
Сабақта қолданылған ресурстар:
Интерактивті тақта, тестілеу құралы, ұялы телефон, (АКТ-ны тиімді қолдану), түрлі-түсті стикерлер, «PowerPoint» презентациясы, әр топта АҚШ-Қазақстан туларының суреті бар макеттер, дәптер, оқулық және т.б.
ХХ ғасырдың 80-ж. –ХХІ ғ.басындағы АҚШ-тың тарихындағы басты саяси, әлеуметтік-экономикалық және мәдени даму оқиғаларының басты белгілері, бағыт-бағдары, мақсат-мүдделері, айырмашылықтары мен маңызы туралы білімдерін қалыптастыру, білім-білік дағдыларын айқындау.
Сабақтағы жұмыс түрлері:
Жұптық, топтық ( «субъект (оқушы)-объект (пән)-субъект (оқушы)»), пікірталастыру, сын тұрғысынан ойлау, Блум таксономиясы, терминдермен жұмыс, «Кім қандай көшбасшы?», «30 секунд» жаттығуы.
Түйінді идеялар:
АҚШ тарихындағы «неоконсерватизм», Р.Рейган үкіметінің сыртқы саясатындағы жетістіктер,«Қырғи-қабақ» соғыс саясатының бәсеңдеу кезіндегі кеңес-американ қарым-қатынастарының дамуы, Клинтон әкімшілігінің ішкі саясатының ұтымдылығы, 2000 жылғы президенттік сайлаудағы Д.Буштың жеңісі, 2008 жылғы сайлауда Б.Обаманың билікке келуінің елдің даму тарихындағы орны, жетістіктері мен кемшіліктері туралы оқушылардың сыни көзқарасын қалыптастыра отырып, оң бағасын беруге ықпал ету.
