Сабақтың тақырыбы: Түстер (Тәуелдік жалғаудың оңаша түрі). Сабақтың мақсаты

14 наурыз, 2017 жыл

• 
  оқушылар «Тілдердің үштұғырлығы» мемлекеттік идеяны жүзеге асыру барысында өз үлестерін салады;
  
• 
  оқушылар түстерді ажыратуға үйренеді;
  
• 
  түстердің атауларын қазақша, орысша, ағылшынша айта алады;
  
• 
  тәуелдік жалғаудың оңаша түрі туралы түсінік алады;
  
• 
  формативті бағалаудың және кері байланыстың тиісті формалары арқылы жетістікке қалай жетуге болатынын түсінеді;
  

амандасады, отырады.

Психологиялық дайындық барысында оқушылардың көңіл күйлері сұралады, олар қызыл, сары және жасыл түсті смайлик арқылы жауап береді, барлық оқушылар жасыл смайликті көтерді, бұл «Көңіл күйлеріміз тамаша!» деген мағынаны білдіреді.

Сабақтың ұраны ретінде әрбір оқушы бір-бір өлең жолдан айтып береді.

Сабақтың ережесі анықталады:

• 
  егер жауап дайын болса жасыл түсті карточканы жоғары қарай көтереді;
  
• 
  егер мұғалімнің көмегі керек болса қызыл түсті карточканы жоғары
  

Кері байланыстың осы әдісі қолайлы, өйткені, балалар шуламайды, мұғалімге деген сұрақтарын дауыстап сұрамайды, басқаларға кедергі жасамайды. Алайда, осы әдісті сабақта бірінші рет қолданылды, сондықтан да оқушылар көбінесе қол көтеріп, карточкаларды көтерген жоқ, нашар оқитын оқушы Полухин Олег карточкаларды мүлдем көтерген жоқ, баяу оқушы Жаканов Тохтамыз үздік оқушылардың жасыл карточкаларын көріп, асығады, сонын салдарынан тапсырмаларды дұрыс орындамайды, кейде шамданады.

Сабақтың тақырыбына көшу «Кемпірқосақ қайдан пайда болады?» бейне фильмнен басталады.

Сабақтан күтілетін нәтижені де оқушылар өздері баяндайды. «Сабаққа не себептен ағылшын тілі кіріктіріледі?» деген сұраққа жауап беру барысында оқушылар Елбасымыздың «Тілдердің үштұғырлығы» идеясы жайында айтқан сөздерін әңгімелеп береді.

Үй тапсырмасы үшін мұғалім бағалайды (гүлге жапырақ қосу арқылы).

Сабақтың келесі кезегінде интерактивті тақтада берілген кестені толтыру ұсынылады, яғни тақтада қазақша, орысша және ағылшынша берілген түс атауларын толықтыру керек болатын. Бұл тапсырманы орындауда мұғалімнің қатесі алдын-ала керекті сөздерді берілмеуі, сондықтан да оқушылар ағылшын сөздерді орысша әріптерімен жазып шықты.

Осы тапсырманы орындап болғанна кейін бір-бірін бағалауы жоспарланды.

Сабақтың грамматикалық тақырыбы: «Тәуелдік жалғаудың оңаша түрі». Осыған байланысты оқушылар бір-бірден тақтаға шығып, «дәптер» сөзін тәуелдейді, мұғалім тапсырманы орындағаны үшін гүлге жапырақтарды қосады.

Келесі тапсырма – сәйкестендіру, яғни заттарды керекті түстермен сәйкестендіреді.

Осы кезде «Температура өлшеу» кері байланысы өткізіледі, яғни мұғалім оқушыларға жұмыс барысында сұрақ қояды:

• 
  Не істеп жатырсыңдар?
  
• 
  Бұл тапсырманы қалай орындайсыңдар?
  
• 
  Не үшін бұл тапсырманы орындау керек?
  

«Киімдер» атты соңғы тапсырманы орындауда «Әдейі қате түсінік беру» кері байланысы өткізіледі, яғни мұғалім оқушыларға жұмыс барысында әдейі қате түсінік береді, ал оқушы мұғалім сөзін жоққа шығаруы тиіс. Мысалы: Оқушы «қызыл көйлек» десе, мұғалім «жоқ, бұл көйлек қызыл емес, бұл көйлек - сары» деп айтады, ал оқушы көйлектің қызыл екенін дәлелдейді.

Сабақты қорытындылау мақсатында фонетикалық жаттығу жүргізіледі. Мұғалім қазақша оқушыларға түстің атауының бір буынын айтады, ал оқушылар түстің атауын аяқтап, оны орысшаға және ағылшыншаға аударды.

«Бағдаршам» ретіндегі сабақтың рефлексиясы өткізілді. Оқушылардың көтерген түстерінің бәрі жасыл болып шықты. Бұл – «менің көңіл-күйім тамаша, маған сабақ өте ұнады, осындай сабақтарды жиі өткізсе...» деген тілекті білдіреді.