(Модуль 2. Өсімдіктер биотехнологиясы негіздері) бойынша семинар сабақтары – 5 апта)
Жұмыс №1. Мурасиге және Скуг қоректік ортасын дайындау әдістемесі. Мақсаты: Мурасиге және Скуг қоректік ортасын дайындау әдістемесін үйрену.
Қажетті материалдар мен құрал-жабдықтар: химиялық стакандар, колбалар, 5 мл -1 л дейін межеленген цилиндрлер, пробиркалар, 0,01 мл - 10 мл пипеткалар немесе дозаторлар, аналитикалық таразы, пинцеттер, қайшы, шпательдер, штативтер, электр плитасы, магнит араластырғыш, рН-метр, 0,1 н HCl және 0,1 н КОН ерітінділері, қоректік орта құрамына қосылатын компоненттер (макро және микротұздардың, витаминдердің концентрлі ерітінділері; мезоинозит, сахароза, агар-агар).
Әдістеме.1000 мл Мурасиге және Скуг қоректік ортсын дайындау реті:
1,5-2 л термотұрақты химиялық стаканға 30 г сахароза салып, үстіне 400 мл дистильденген су құйып, сахарозаны ерітеді.
Сахароза ерітіндісінің үстіне алдын ала дайындалған концентрлі ерітінділер: 50 мл макро тұздар, 1 мл микро тұздар, 5 мл темір-хелаты, 20 мл кальций хлориді құяды, 100 мг мезоинозит, витаминдер (50 мл тиамин-HCl, 10 мл пиридоксин-HCl, 50 мл никотин қышқылын қосады.
Қоректік ортаның жалпы көлемі 950 мл -ге дейін дистильденген сумен жеткізеді және жақсылап араластырылады.
рН -метрмен ортаның қышқылдығын pH 5,5 – 5,8-ге дейін жеткізеді.
Қоректік ортаны электр плитасында 65 0С дейін қыздырады, осыдан кейін ортаға 7 г агар салынады. Агар толық еріп, орта тұнық, мөлдір болғанша қайнатады, соңында жалпы көлемі 1000 мл – ге жеткенше дистилденген су құйып, шыны таяқшамен араластырып, қайнатады.
Дайын қоректік ортаны пробиркаларға 7-10 мл құйып, ауыздарын мақтадан жасалған тығындармен немесе алюминь фольгамен бітеп, металл штативтерге салады. Штативтерді пробиркалармен қоса бюкске салып, автоклавта 1 Атм қысымда 10-15 минут залалсыздандырады.
