Тақырыбы: Альбом (қағаз). Мақсаты: Альбом туралы түсінік беру. Білімділік



Дата01.06.2017
өлшемі178,64 Kb.
#17469

Атырау қаласы, коммуналдық мемлекеттік қазыналық кәсіпорын

№ 8 «Ақбота» шипа-жай типті бөбекжай балабақшасы

Тәрбиеші Жубаналиева Рая Сундетовна


Білім беру саласы: Таным.

Ұйымдастырылған оқу іс-әрекеті:Құрастыру.

Тақырыбы: Альбом (қағаз).

Мақсаты: Альбом туралы түсінік беру.

Білімділік: Тіктөртбұрыш қағазды бұрыштары мен жақтарын беттестіріп тең етіп бүктеу әдісімен альбом жасау.Құрастыру біліктері мен дағдыларын қалыптастыру.

Дамытушылық: Шығармашылық қиялын, көркемдік эстетикалық талғамын дамыту.Алға қойған мақсаттарына жетіп,өз ойларын жүзеге асыру.

Тәрбиелік: Балалардың өз істерін , бастаған жұмысын аяғына дейін ұқыптылықпен тиянақты орындап жеткізе білуге үйрету.Құрдастарымен өзара жақсы қарым-қатынас орнатып, жұмыс жасау іскерліктерін дамыту.

Достық қарым-қатынасқа,сүйіспеншілік сезіміне баулу.



Түрі: Ашық сабақ.

Қолданылған әдіс-тәсілдері:Слайд, әңгімелеу,түсіндіру,көрсету,сұрақ -жауап,құрастыру,ойын. Альбомдар көрмесін ұйымдастыру.

Көрнекілігі :Альбом түрлерінің суреттері.

Керекті құралдар: түрлі-түсті қағаздар, желім, қайшы,жіңішке лента ,әр түрлі жапсырмалы суреттер.

Алдын-ала жұмыс: балабақша ішіне саяхат жасап фотосуретке түсу,ата-анамен баласының шығармашылық жұмысы,балалардың фотосуреттерін шығару, альбомға фото салу.Тақпақтар, мақал-мәтелдер жаттау, суретті альбомдар қарау.

Жүру барысы:

Шаттық шеңбері: Кел, балалар , ортаға!

Үлкен шеңбер құрайық



  • Сәлеметсіңдер ме, балалар?

Міне, бүгін бізде ерекше күн , бүгінгі ашық іс-әрекетімізге қонақтар келіп отыр, ендеше қонақтармен амандасайық.

Қуан, шаттан алақай ( балалар қолдарын екі жаққа жаяды)

Қуанатын күн келді ( алақандарын шапалақтайды)

Күліп шықты күн бүгін! ( қолдарын жоғары созады)

Қайырлы таң, қайырлы күн ( алақандарын ашып күнге қарай созады)

Сәлеметсіздер ме, қонақтар! ( Қонақтарға бастарын иіп амандасады)

Қызықты сәт: (Осы кезде Дымбілмес келеді. Қолында фотосуреттер,түрлі-түсті қағазы бар.)


  • Сәлеметсіздер ме, балалар?

  • Сендер қай балабақшаға келесіңдер?

  • Топтарың қалай аталады? Әйтеуір жеттім-ау адасып кеттім бе деп қорықтым. Мен онда қателеспеген екенмін.

  • Балалар міне керемет! Сендер не байқап тұрсыңдар мынау не?Олай болса сендердің саяхатқа шыққандағы түскен фотосуреттеріңді алып келдім.

Фотосуретті қайда жинақтайтынымды білмей тұрмын. Фотоларды қалтама салсам сыймайды, сөмкеме салсам майысып бүлініп қалады Маған көмектесесіздер ме? Дымбілмес қош келдің, бізбен бірге отыр.

Балалармен альбом құрастыруды үйрен.



Видеоролик қарап, пішіндерді еске түсіру.

Альбом туралы түсіндіріліп, суреті көрсетіледі.



Слайдтан альбом туралы түсінік беру. Альбом түрлерін көрсету.

Альбомның түрлері өте көп. Фотоальбом, суреттер жинағы альбомы.Біздің тобымызда суреттер жинағынан жасалған альбом, жыл мезгіліне байланысты жасалған альбом және үлкен балабақша мерекелерінде түскен, серуенде, топта түскен фотосуреттер салынған альбом бар.

-Біз құрастыру сабағында қағаздан не құрастырдық?

-Қайық, құс.Олар қандай пішіндерге ұқсайды?

- Сендер қандай пішіндерді білесіңдер?

- Нешеге дейін санап үйрендіңдер?

- Қандай кеңістікті бағдарлай аласыңдар?

Балалар слайдтағы суреттердің пішіндерін атап, түстерін ажыратып айтады.



Жұмыстың барысы түсіндіріледі.

Бүгін біз қағаздан альбом жасаймыз. Альбом жасау үшін бізге керекті құралдар: түрлі-түсті қағаздар, қайшы, желім,әдемі жапсырмалар,ленталар. Қайшыны қолданған кезде сақ боламыз. Қайшының ұшын өздеріңе қаратып ұстамау керек, қолданып болғаннан кейін тиісті орнына алып қою керек. Тіктөртбұрыш қағазды бұрыштары мен жақтарын беттестіріп тең етіп бүктейміз. Оны ортасынан бүктеген сызығымыздың бойымен қайшымен түзу қиямыз. Бөлінген қағаздарымызды бұрыштары мен жақтарын тең етіп бүктеп бірінің ішіне бірін саламыз.

-Тіктөртбұрыш қағазды қос бүктеуді көрсету, қайшымен қию;

-екінші қағазды алып оны қос бүктеу, бір-біріне қабаттау;

-альбомның парақтары дайын болған соң оның сыртқы бетін безендіру;

-альбомның сыртын әртүрлі жапсырмалы суреттермен безендіру;

-альбомның сыртын «мұқаба» деп атайтынын түсіндіру.

-балаларға жеке нұқсаулар беру;

-безендіруде және қайшымен жұмыс жасауда көмектесу.

-альбомның қандай пішінге ұқсайтынын түсінік беру.

Альбомның шетін тесуге өзім көмектесемін, ал ленталарын өздерің альбомның астынан жоғары қарай тесіктен өткізіп байлайсыңдар. Енді альбом әдемі болу үшін сыртына жапсырмалы суреттер жапсырамыз, бірінші бетіне өздеріміздің фотосуретімізді жапсырамыз.

Сергіту сәті:

Үшбұрыштар жасайық

Төртбұрыштар жасайық,

Жоғарыдан бір сызық.

Төменгіден бір сызық

Бұрыштарын қосқанда

Өрнек шықты сызылып.


  • Қандай өрнек шықты балалар?

Балалар альбом құрастырады. Өздерінің құрастырған альбомдарына баға береді. Альбомның беттерін санап, пішінін анықтап, түстерін ажыратады.Альбомның сыртын қандай суретпен безендіргенін айтады.

Альбомның бірінші бетіне өздеріңнің фотосуреттеріңді жапсырады.

Балалар өздерінің жасаған жұмыстарына баға береді.

Логикалық ойын: «Қайсысы көп».

Мақсаты: балалардың ойлау қабілеттерін, зейінін , есте сақтауын дамыту.



Сұрақ-жауап:

  • Балалар сендер альбом жасау үшін не істедіңдер?

  • Еңбек еттік.

  • Олай болса Дымбілмеске еңбек туралы кім мақал-мәтелдер,тақпақтар айтып береді.

Мақал-мәтелдер:

1.Басталған істің аяғы да болады.

2. Көз-қорқақ, қол-батыр.

3. Еңбек етсең ер ерінбей

Тояды қарның тіленбей.

4. Еңбек барлығын да жеңбек.

5. Еңбек-ата, жер-ана.

6. Еңбектің наны тәтті

Жалқаудың жаны тәтті.

Балалардың тақпағы:

1. Үйретер қию, бүктеуді

Құрастыру сабағы,

Кеңітер ой мен ұғымда

Сала бар онда не түрлі.

2.Құрастыру деген қағаздан

Туындысы өнердің

Тәлім алып қалайық

Тәрбиеші апайдан.

3. Әр түрлі түсті қағаздан.

Альбом жасап керемет

Дымбілмес те үйренді.

Күншуақ тобы атынан

Сыйға тартам фотоны.

Дымбілмес қоштасады:

-Рахмет балалар, мен сендерден көп нәрсе үйрендім.Мен енді тәртіпті, ақылды, жақсы боламын.

-Сау болыңдар!

Ұйымдастырылған оқу іс-әрекетін қортындылау:

-Балалар,сендердің барлығың өте жақсы жұмыс жасадыңдар.Біз не құрастырдық?Қалай әдеміледік? Альбомға не жапсырдыңдар? Сендерге ұнады ма?

-Рахмет, сендер өте тамаша балаларсыңдар.

-Балалар, көңіл-күйлерің қалай?

-Тамаша!

-Олай болса тамаша ойынын ойнаймыз.

Ойынның шарты: Мен сендерге сұрақ қоямын,ал сендер тамаша деп жұдырықты түйіп, бас бармақтарыңды көтересіңдер.

-Қыс мезгілі қандай?

-Қысқы ойындар қандай?

-Біздің құрастырған альбомымыз қандай?

-Келген қонақтарымыз қандай?

-Олай болса мен сендерге бүгінгі көңіл-күйімді сыйлаймын.

-Қонақтармен қоштасады:

Қол ұстасып тұрайық

Шеңберді біз құрайық.

Көріскенше күн жақсы



Сау саламат болайық!

  • Балалар анамыздың бізге арнаған альбомын топқа барғасын қараймыз. Келген қонақтармен бірге фотосуретке түсейік

Каталог: 2014
2014 -> Сәлім меңдібаев армысың, алтын таң! Журналист жазбалары Қостанай – 2013 ж
2014 -> Хромтау қаласы №6 Хромтау гимназиясының бастауыш сынып мұғалімі Кысырауова Шынар Андебековнаның
2014 -> Қазақ тілі мен латын тілі кафедрасы Қазақ Әдебиеті пәні бойынша әдістемелік өҢдеу мамандығы: Фельдшер Мейірбике ісі Стамотология Курс: І семестрі: ІІ
2014 -> Сабақ тақырыбы: Қазақстандықтардың Мәскеу,Ленинград,Сталинград шайқастарына қатысуы. Сабақтың мақсаты
2014 -> Қазақстан республикасы білім және ғылым министрлігі
2014 -> Сабақ №3 Мәртөк орта мектебінің қазақ тілі және әдебиеті
2014 -> Жақсыбай Мусаев шығармашылығы және көркемдік Зерттеуші оқушы: Мұратбаева Назерке
2014 -> Сабақ Тақырыбы: Қазақ жеріне терме,жырлары кеңінен тараған ақын Әбубәкір Кердері Боранқұлұлының "Досқа насихат"термесі
2014 -> Тақырыбы: Ақындықты арман еткен жерлес Талапбай Ұзақбаев
2014 -> Сабақтың тақырыбы : Жетім. М.Әуезов Сабақтың мақсаттары


Достарыңызбен бөлісу:




©engime.org 2024
әкімшілігінің қараңыз

    Басты бет