«Үздік педагог - 2022» республикалық байқауының ЕРЕЖЕСІ Мемлекет басшысы Қасым-Жомарт Кемелұлы Тоқаев Қазақстан Республикасы Парламенті Мәжілісінің отырысында сөйлеген сөзінде елімізде жылдар бойы қордаланған әлеуметтік мәселелерге, жастарға сапалы білім беру, ұстаздардың қоғамдағы мәртебесін көтеру маңыздылығына тоқталды.
Осы ретте, педагогтердің қоғамда оң имиджінің қалыптасуына, ұстаз мәртебесінің артуына, білім беру саласына тәуелсіз сараптама жасап, үздіктерін анықтап, оларды көтермелеу бағытында қоғамдық сектордың маңыздылығы зор. Мемлекет басшысы айқындап берген мақсат-міндеттерді орындап, қоғамда педагог мәртебесін көтеру, білім саласында өз жұмысын адал, сапалы әрі жауаптылықпен орындайтын білікті мамандарды ынталандырып, өзге әріптестеріне үлгі ету мақсатында «Үздік педагог - 2022» республикалық байқауы өткізілуде.
Байқау қорытындысы бойынша жеңімпаздар ҚРПҚ тарапынан «Ұстаз» ордені, «Үздік педагог», «Үздік тәрбиеші», «Үздік педагог-психолог», «Үздік жас педагог», «Білім беру ісінің үздігі» және «Білім беру ісіне қосқан үлесі үшін» төсбелгісі қоғамдық наградаларымен марапатталады.
Байқауға құжаттар қабылдау мерзімі: 11.03.2022, сағат 21.00-ге дейін. (Нұр-Сұлтан уақытымен).
Құжаттары дұрыс рәсімделмеген және белгіленген уақыттан кешіккен қатысушылардың өтініштері қаралмайды.
Байқауға қатысушылар: Мектепке дейінгі білім беру ұйымдарының қызметкерлері, балабақша тәрбиешілері, жалпы білім беру мекемелерінің мұғалімдері, ОАОО және ЖОО-ның оқытушылары, жас педагогтер, ардагер ұстаздар. Конкурсқа қатысушының педагогикалық еңбек өтілі кемінде 5 жыл болуы керек. «Үздік жас педагог» номинациясына қатысушы жас маманның еңбек өтілі кемінде 3 жыл болуы шарт.
Байқауға төмендегідей жолдармен қатысуға болады: Өзін-өзі ұсыну арқылы; Жеңімпаздар ашық конкурстық жүйе бойынша анықталатын болғандықтан Қазақстан Республикасы шеңберінде қызмет жасайтын кез-келген педагог конкурсқа өзін ұсыну арқылы қатыса алады.
