| Сорпалықтардан әзірленген тағамдар
Сорпалықтардан әзірленген тағамдардың қоректік нәрлілігі және сапасы жоғары болады. Кейбір сорпалықтарда ақуыз еттегіден де көп болады. Олар дәрумендерге, минералдық заттарға бай және жоғары калориялы келеді.
Әзірленген сорпалықтарды тез арада жылумен өңдеуден өткізу керек. Оларды көпшілік жағдайда алдымен пісіреді, кейін қуырады немесе бұқтырады. Кейбіреулерін бірден қуырады.
Сорпалықтардан дайындалатын тағамдарға: піскен тіл, орысша бүйрек, піскен ми, қуырылған ми, қуырылған бауыр, тұздыққа батырылған бауыр, тұздықтағы қарын, тұздықтағы жүрек не өкпе кіреді.
Піскен тіл. Әзірленген тілді ыстық суға салып, қайнатады. Шикі сәбіз, ақжелкен, басты пияз қосып, баяу қайнатады да 1-2 сағ. пісіреді. Пісіру аяқталғанда тұз салады.
Орысша бүйрек. Сиыр бүйректерін салқын судан алып қайнатады. Қайнау кезінде суын екі рет ауыстырады. Қайнатылған бүйректерді жапырақтап турап қуырады. Қызыл соусқа бүйрек жапырақшалары, қуырылған сәбіз, пияз, ақжелкен тамырлары, тұздалған қияр турамалары, дәмдеуіштер салынып дайын болғанша бұқтырады. Бұқтырылу соңында сарымсақ салынады.
Достарыңызбен бөлісу: |
