Ет тағамдарының сапасына қойылатын талаптар

Табиғи сыбаға кесектерінің бетінде қуырма қабық болады. Котлеттегі сүйектер жақсы тазартылған және тегіс шабылған болуы қажет. Консистенциясы – жұмсақ, бифштексте, сүбе мен лангеттерде – нәзік, шырынды, қалғандарында шырындылығы аздау болуы мүмкін.

Ет тағамдарында, ұсақ кесек түрінде қуырылғандарында турау формасы тағам түріне сәйкес болуы керек. Консистенциясы – жұмсақ, шырынды болуы шарт. Сіңірі болмауы тиіс. Дәмі мен иісі қуырылған ет түріне тән.

Пісірілген ет. Піскен ет өнімдерін аздаған сорпасымен аузы жабық ыдыста 50-60оС температурадан жоғары емес күйде 3 сағаттан артық емес уақыт сақтайды. Ұзақ сақтау үшін етті салқындатып, тоңазытқышта 48 сағатқа дейін ұстайды.

Бұқтырылған ет. Бұқтырылған ет күңгірт-қызыл түсті болады. Консистенциясы – жұмсақ. Дәмі мен иісі – көкөніс пен дәмдеуіштердің иісі мен дәміне тән. Ірі кесектері талшығына көлденең туралған, ал ұсақ кесектер, сыбаға және жұқа кесектер өзінің кесілген формасын сақтауы керек. Консистенциясы – жұмсақ, түсі күңгірт-қызылдан қоңырға дейін.

Котлет массасынан әзірленген тағамдар өз формасын сақтауға тиіс және аунатпа қабығы жұқа болады. Беті – жарықсыз, тіліксіз, тегіс, алқызыл қуырма қабықты. Дәмі қажетіне қарай тұзды, бірақ нан дәмінсіз болуы тиіс. Иісі – ет иісіне тән. Консистенциясы шырынды, үлпілдек, кесіндісі біркелкі, бөлек ет кесектерінсіз, нансыз және сіңірсіз, қызғылт-қызыл реңге жол берілмейді.