№1 дәріс тақырыбы. Қазіргі әлеуметтік-мәдени жағдайдалардағы білім берудің рөлі мен ерекшеліктері
Педагогикалық қарым-қатынастың алғашқы кезеңі
жүктеу/скачать 2,9 Mb. Pdf көрінісі
|
педагогика
| Педагогикалық қарым-қатынастың алғашқы кезеңі
– оны модельдеу – жалпы сынып пен кейбір оқушылардың ерекшеліктері, педагогтың даралығы, қалыптасқан жағдаятқа, педагогикалық міндеттерге адекватты, өзара әрекеттің коммуникативтік құрылымын өзіндік жоспарлауға байланысты. Алдын-ала модельдеу педагогқа өзара әрекеттің мүмкіндік схемасын құруға көмектеседі. Сондай-ақ, бұл кезеңде педагогикалық міндеттерді коммуникативтік міндеттерге алмастыру жүзеге асады, педагогикалық өзара әрекет мақсаттарын жемісті жүзеге асыруды қамтамасыз ететін олардың сәйкестігіне қол жеткізіледі. Алда тұрған қарым-қатынасты модельдеудің қажетті элементі мүмкін болатын психологиялық атмосфераны көре білу, мысалы сабақта, өзара әрекет етуші субъектілердің эмоционалдық сәйкестілігіне қол жеткізетін құралдарын таңдау. Бұл өз кезегінде, өзара әрекет етудің өзіндік педагогикалық аспектілерін анықтайды, педагогқа өзінің коммуникативтік мінез-құлқын және эмоционалдық жай-күйін елестете алуына мүмкіндік береді. В. А. Кан-Калик, мұғалімнің сабаққа коммуникативтік даярлығын педагогикалық қарым-қатынастың маңызды элементі деп санай отырып, оны жүзеге асырудың технологиясын әзірлеген. Ол былайша болуы мүмкін: өздеріңіз сабақ бергелі тұрған нақты сыныпты еске түсіріңіздер; өзіңіздің коммуникативтік жадыңызда сол ұжыммен қарым-қатынас жасау тәжірибесін ойша еске түсіруге тырысыңыз, сыныппен қарым-қатынаста жағымды эмоцияның дамуына және жағымсыз эмоцияларға тосқауыл қоюға тырысыңыз; олар сізге кедергі жасайды; сол сыныпта қарым-қатынастың қай типі сізге тән, ол бүгінгі сабағыңызда мүмкін бе, осыны еске түсіріңіз; сынып сізді және сабақ материалын қалай қабылдады, осыны көз алдыңызға елестетуге тырысыңыз; бүгінгі сабақтың міндеттері мен сыныппен қарым-қатынас стильдерін сәйкестендіріңіз (білімділікк, дамытушылық, тәрбиелілік), олардың бірлігіне қол жеткізуге тырысыңыз; сабақтың бөлігі мен фрагменттерін жоспарлай отырып, конспектімен жұмыс жасаудағы жалпы психологиялық атмосфераны және оны қалай жүзеге асыруды елесететіңіз; жекелеген оқушылармен сіздің өзара қарым-қатынасыңызды еске түсіріңіз, балалармен қарым-қатынаста стереотипті психологиялық нұсқаулардан аулақ болыңыз; сабақта туындайтын қарым-қатынасты сезе біліңіз, бұл сізді анағұрлым сенімдірек қылады [1]. жүктеу/скачать 2,9 Mb. Достарыңызбен бөлісу:
|