Капиталдық салымдар – негізгі капиталға (негізгі құралдар) салынатын инвестициялар, оның ішінде жаңа құрылысқа, іс-әрекет етіп жатқан кәсіпорындарды кеңейтуге, қайта жөндеуге және техникалық қайта қаруландыруға, машиналарды, құрал-жабдықтарды, саймандарды сатып алуға, жобалық-іздестіру жұмыстарына арналған және т.б. шығындар.
Капиталды қалыптастыратын инвестициялар - бұл жобаны жүзеге асыруға қажетті капитал салымдарынан, айналым капиталынан, сондай-ақ өзге құралдардан тұратын инвестициялар.
Коммерциялық жобалар - жүзеге асыру барысында тікелей қатысушыларына пайда әкелетін жобалар.
Коммерциялық несие – бұл сатылған тауар үшін төлемді кейінге қалдыру түрінде, сатушылардың сатып алушыларға тауар формасында ұсынылатын несиенің түрі.
Криминогенді инвестициялық тәуекел - мемлекеттегі, аймақтағы инвестициялық қызметтің қылмыстық құрамдасына әсер етумен байланысты тәуекелдер (қылмыстық жағдайдың өршуі, рэкет, мемлекеттік шенеуліктердің жемқорлығы, «көлеңкелі» экономикалың болуы, ақшаның жылыстауы, заңсыз жолмен иелену, шетелге капиталдың ағылуы, қылмыстық бәсеке және т.б.).
Достарыңызбен бөлісу: |
