Өзін-өзі тексеру сұрақтары. 1. Орман өрттерінің туындау және таралу қауіптілігінің дәрежесі неге байланысты?
2. Неше өрт қаупітіліг класы бар?
3. Орман өртінің туындау жоғары ықтималдығы қай класқа сәйкес келеді?
4. Орман өртінің туындау төменгі ықтималдығы қай класқа сәйкес келеді ?
5. Өрт туындауы және таралуы мүмкіндігін анықтайтын жағдайлар неге байланысты?
5 -дәріс. Тақырыбы: Орман өрттерінің туындауының алдын алу.
1. Орман өртінің алдын алу бойынша негізгі нормативтік актілер. 2. Өрт қауіпсіздігі ережесінің негізгі талаптары. 3. Занды тұлғаларға қойылатың арнайы талаптар.
1. Орман өртінің алдын алу бойынша негізгі нормативтік актілер.
Қазақстан Республикасының ормандарындағы өрт қауіпсіздігі ережесі (бұдан әрі – Ереже) Қазақстан Республикасы Орман кодексінің (бұдан әрі – Кодекс) 63-бабына және 1999 жылғы 22 қарашадағы «Өрт қауіпсіздігі туралы» Қазақстан Республикасының Заңына (бұдан әрі – Заң) сәйкес әзірленіп, жеке және заңды тұлғаларға – орман иеленушілер мен орман пайдаланушыларға олардың ормандарда өрт қауіпсіздігін қамтамасыз етуі жөнінде қойылатын талаптарды айқындайды. Ереже сондай-ақ орман өрттерінің алдын алу, оларды дер кезінде байқау және жою, орман қорының аумағында жұмыс істейтін және жүрген барлық адамдардың осы Ереженің талаптарын орындауын қамтамасыз етуі жөніндегі іс-шараларды жүргізу тәртібін айқындайды.
2. Өрт қауіпсіздігі ережесінің негізгі талаптары. Мемлекеттік орман иеленушілер ормандардағы өрт қауіпсіздігі талаптарын орындайды және орман өрттерінің алдын алу (профилактикасы) жөнінде мына іс-шаралардың орындалуын қамтамасыз етеді:
1) орман қоры аумағын өртке қарсы және санитарлық тұрғыдан жабдықтауды қамтамасыз етеді, осы Ереженің бұзылуының алдын алады, оны дер кезінде байқайды және оған тосқауыл қояды, орман қорының аумағында шығатын орман өрттерін сөндіру жөнінде шаралар қолданады;
2) орман қоры учаскелері орман пайдалануға берілген орман пайдаланушылар өртке қарсы іс-шаралар жоспарларын жасауы кезінде оларға көмек көрсетеді;
3) орман өрттерін және олардың зардаптарын тіркеп отырады.
