Ғылыми-әдістемелік жұмыстың мақсаты, міндеттері Мақсаты: Заманауи сабақты жүзеге асыруда мұғалімдердің кәсіби құзыреттілігі мен мотивациясын дамыту үшін жағдай жасау. Педагогтердің кәсіби құзіреттілігін арттыру жұмыстарын ғылыми – әдістемелік тұрғыдан қамтамасыз ету.
Міндеттері: Заманауи сабақты оқыту саласында ғылыми-тәжірибелік ақпараттандыруды көтеру;
Инновациялық технологияларды енгізу арқылы әдістемелік жұмысты заманауи сабақтың мәселелеріне бейімдеп, озық педагогикалық тәжірибе алмасуға МӘБ-ті ынталандыру.
«Сабақ - шығармашыл мұғалімнің педагогикалық туындысы» атты мектеп ақпараттық банкін қалыптастыру
Оқу үрдісін ғылыми-әдістемелік жұмыстың жаңа әдіс-тәсілдерімен қаматамасыз ету.
Жаңартылған білім мазмұны курстарында біліктілігін арттырған мұғалімдердің практикамен алған тағылымын ұштастыру .
Мұғалімдерді зерттеушілік жұмыстарға, шығармашылық тақырыптармен айналысуға бағыттау.
Пән бірлестіктердің инновациялық іс- әрекеттерін жүйелеу, үйлестіру, бағыт-бағдар беру.
Мұғалімдердің озық іс-тәжірибесін тарату.
Күтілетін нәтижелер:
Мұғалімнің кәсіби құзіреттілігінің дамуы оқушылардың функционалдық сауаттылығын арттырады.
Мұғалімнің ғылыми-педагогикалық білімі тереңдейді.
Инновациялық көзқарастағы құзырлы ұстаз тәжірибесі қалыптасады.
Инновациялық бағыт:
Жаңартылған оқу бағдарламасының бұрынғы мемлекеттік стандарттан айырмашылығын меңгерту және бағдарлы оқытуды жандандыру.
Ғылыми – әдістемелік бағыт:
Әдістемелік онкүндіктер, «Жас мамандар» жұмысы, деңгейлік курстан өткен мұғалімдер жұмысы, өзгеріс тобы жұмыстарын іс- әрекетті зерттеуді педагогикалық ұжымды оқытуға бағыттау, жаңартылған оқу бағдарламасына толық көшуге мектеп тренері көмегімен қажетті білім ортасын құру, мұғалімдерді аттестаттау мен білім жетілдіру курстарына жіберу, мұғалімдер рейтингісі, семинарлар, шығармашылық есептер, көрмелер, байқаулар, жарыстар, дарынды және үлгерімі төмен оқушылармен жұмыстар.
Мұғалімдердің тәжірибелерін зерттеу:
Шығармашылық топтарының жұмыстарын жүйелеу, басылымдарға материалдар әзірлеу, әдістемелік құралдарды қолдану.
