1. Маркетингтік қызметін талдаудың мәні мен міндеттері
Әрбір кәсіпорын өндіріс көлемін жоспарлау, өндірістік қуатты қалыптастыру алдында қандай өнімді, қандай көлемде, қайда, қашан және қандай бағамен сататынын білу қажет. Ол үшін өнімге, оны өткізу нарықтарына сұранысты, олардың сыйымдылығын, нақты және әлеуетті бәсекелестерді, әлеуетті сатып алушыларды, өндірісті бәсекелі баға бойынша ұйымдастыру мүмкіндігін, қажетті материалдық ресурстардың қолжетімділігін, қажетті біліктілігі бар кадрлардың болуын және т. б. зерделеу қажет. Бұған соңғы қаржылық нәтижелер, капиталды ұдайы өндіру, оның құрылымы және соның салдарынан кәсіпорынның қаржылық тұрақтылығы байланысты.
