Сағат саны:2 Тақырыптың негізгі жоспары

Жүгіріп келіп лақтыру – едәуір алысқа лақтыруға көмектеседі, екінші жағынан қиындығы да бар. Сондықтан жүгіріп келіп лақтыруға бір орында тұрып лақтыруды меңгергеннен кейін көшу керек. Лақтыру үшін онша қатты жүгірмесе де болады, өйткені қатты жүгірген сайын гранатты ойдағыдай лақтыруды орындау қиындай түседі. Жүгіретін жердің ұзындығы 8 қадам болады, оның алғашқы төрт қадамы (бастапқы белгіден бақылау белгісіне дейін) бастапқы және қорытынды (бақылау белгісінен кейінгі сызыққа дейін) белгілер болып бөлінеді.

Бетті граната лақтыратын жаққа беріп, гранатаны оң қолды бүгіп, шамамен алғанда иектің тұсына ұстап лақтырушы жүгіруді сол аяқпен бастайды. Жүгіру қарқынын бірте-бірте үдете түсу керек.

Бақылау белгісіне оң аяғы тигеннен кейін лақтырушы жүгіру екпінін тоқтатпастан, қолды артқа қарай бұру керек, келесі қадамда (бақылау белгісінен кейін үшінші қадам) граната ұстаған қол аздап бүгіліп, дененің арт жағына жоғары көтеріледі. Лақтыру бір орында тұрып лақтырған сияқты осы жерден басталады.

Снарядтың ұшу алыстығы және оны анықтайтын факторлар. Снарядтың бастапқы ұшып шығу жылдамдығы оның сыртқы түріне байланысты. Снарядтың үйлесімді ұшып шығуына лақтыру бұрышының маңыздылығы. Лақтыру түрлеріндегі снарядтың жылдамдық графигі. Лақтыру техникасының негізі ретінде бұлшық ет топтарының жұмысқа кірісу жүйелілігі.

Лақтыру фазалары. Снарядтың түрі мен көлемі, ауа кедергісінің ұшу алыстығына әсері. Ұшу кезіндегі снарядтың айналу қозғалысы. Кейбір снарядтың ұшу кезіндегі қалқуы мен ауаның көтермелеу күші.

Бiр орында тұрып лақтыру. Бiр орында тұрып, иықты бұрып снарядпен қолды созып, аяқтың жұмысын қолдану. Мәрелiк екпiнге үйрету. 1-2-3 қадам арқылы лақтыру. Екпiндеп жүгiру, екпiндеп жүгiрiп лақтыруға көшу, екпiндеп жүгiрiп лақтыру. Барлық бөлшектердi тұтас қосып лақтыру. Негiзгi қателер; ескерту тәсiлдерi оны түзету.