Нақты (тура) инвестициялар – қаржыны материалдық өндіріс саласына ұзақ мерзімге салу. Нақты инвестицияларды өз кезегінде келесідей бөлуге болады: жаңа құрылысқа, өндірістік қуаттарды кеңейтуге, жұмыс жасап тұрған өндірісті қайта жаңғырту мен технологиялық қайта жарақтандыруға, істен шыққан құрал-жабдықтар, ғимараттар мен құрылғылардың орнын толтыруға бағытталған.
Шаруашылық қызметте ұзақ уақыт бойына пайдаланылатын және табыс әкелетін материалдық емес активтерге келесі негізде пайда болған құқықтар жатқызылады:
Ғылым, әдебиет, өнер туындыларына және аралас құқық нысандарына, ЭЕМ-ге арналған бағдарламаға, мәліметтер негізіне және т.б. авторлық келісімшарттар;
өнертабыс патенттері, пайдалы үлгілерге, тауарлық және қызмет көрсету белгілеріне берілген куәлік және оларды пайдалануға берілген лицензиялық келісімшарт;
«ноу-хау» құқығы және т.б.
Бекіту сұрақтары «Инвестиция» түсінігінің анықтамасын беріңіздер. Инвестициялар күрделі салымдардан қалай ерекшеленеді?
Инвестициялардың жіктелу белгілерін атаңыздар және оларға сипаттама беріңіздер.
Нақтылы инвестициялар қаржылық инвестициялардан немен ерекшеленеді?
Дисконттау коэффициенті не үшін пайдаланылады? Ол қалай есептеледі?
Табыстылық индексі не үшін қолданылады? Жоба тиімді деп есептелуі үшін оның мәні қандай болуы тиіс?
Әдебиет: Қазақстан Республикасының Кәсіпкерлік Кодексі (19.04.2019 берілген өзгерістер мен толықтырулармен)
Ажмухамедова А.А. Кәсіпорын экономикасы: оқу құралы/А.А.Ажмухамедова. – Алматы: TechSmith, 2019
Турежанов, С.У. Инвестиционная деятельность предприятия : Учебное пособие. . - Костанай: КГУ им. А. Байтурсынова, 2017. - 126 c
Үмбиталиев А.Д. Кәсіпорын экономикасы: Оқулық. Екінші басылым/А.Д. Үмбиталиев, Ғ.Е.Керімбек, К.Б.Сатымбекова/Алматы: TechSmith, 2018
