6-САБАҚ ШЫҒАРМАШЫЛЫҚ ТАПСЫРМА Тапсырма: Зат есімдердің тұлғалық, құрамдық және мағыналық түрлерін қолдана отырып, жұмбақ құрастыр.
Сурет бойынша ой өрбіт (жазбаша)
Мәтін құрамында зат есімдер болатындай «Мен – елімнің тірегімін» атты тақырыпқа эссе жаз.
7-САБАҚ СЫН ЕСІМ, ОНЫҢ ТҮРЛЕРІ 17-жаттығу Білгісі келеді Сұрағы көп-ақ тіпті Құралайдың,
Дегенмен, ол орынсыз сұрамайды.
Бір күні таң қалдырды Құралайды:
«Тіреусіз бұлттар неге құламайды?».
Немесе: «Қалай? – деді, - неге? – дейді,
Аппақ қар қара бұлттан себелейді?
Мұз неге ерігендей су болады,
Су неге қайнағандай бу болады?
Қозыға қыста мейлі, күзде мейлі,
Бөрік пен етік неге кигізбейді?
«Осынша неге тәтті жүзім?» - дейді,
«Бір гүл көк, бір гүл неге қызыл? – дейді.
«Жасыл да, ақ гүлдер де шағаладай,
Өнеді қара жерден бәрі қалай?»
Сұрағы көп-ақ біздің Құралайдың,
Бірақ та ол орынсыз сұрамайды.
М.Жаманбалинов
Тапсырма: 1. Тыныс белгілерінің қойылу себебін түсініп ал. 2. Дыбыс үндестікті сөздерге мысал теріп жаз. Қай түріне жататынын анықта.3.Сын есімдерді ажыратып, морфологиялық талдау жаса.
Павлодар облысының
таңбасы
18-жаттығу. 1.Мәтінді түсініп оқы. 2.Сын есімдерді анықтап, тұлғалық талдау жаса. 3.Қазақстанның басқа қалаларының таңбаларымен салыстыр. Қандай ерекшелік байқағаныңды дәлелде. 4. Павлодар облысы таңбасын отбасыңмен байланыстыра отырып, шағын шығарма жаз.
