5-САБАҚ СӨЗ ТАПТАРЫ. ЗАТ ЕСІМ, ОНЫҢ ТҮРЛЕРІ 14-жаттығу. Өлеңді мәнерлеп оқы. Дос қой деп ішкі сырын түгел айтып,
Опық жеп жүрген жан көп аңдамастан.
Бір өрттен қалмайтұғын қалың қаудай,
Баянсыз бақ-дәулетке болма мастан.
Нәпсінің кім құтылар хайласынан,
Залалы асып кетер пайдасынан.
«Білімді, зерек адам болам!» - десең,
Қара өзіңді басқаның айнасынан!
Егер де ісі жақсы, болса ұнамды,
Талап қып зор жаһатпен бас қадамды!
Айна қыл өзіңді-өзің түзетуге –
Бұл жүрген жақсы-жаман көп адамды.
Ғибрат ал – атқан таң мен батқан күннен,
Шықпассын, адам болсаң, айтқан жөннен.
Басыңа қайғы келсе, қапа болма,
Тарылып, назаланып шықпа діннен!
М. Ж.Көпейұлы Тапсырма: 1.Автордың айтпақ ойын дәлелде. Түсініксіз сөздерді түсіндірме сөздіктен қара. 2. Дерексіз зат есімдерді анықта. 3.Күрделі зат есімдерге талдау жаса. 4.Мәтінге сүйене отырып, ойтолғау жаз. М.Ж.Көпейұлының өзіңе ұнаған басқа да өлеңін жаттап ал.
