47.еGov порталынан қашықтан медициналық анықтамаларды алу жолдары Енді eGov.kz порталында және @EgovKzBot арқылы балаларды медициналық ұйымға тіркеу мүмкіндігі пайда болды.
Қызметті онлайн алу үшін eGov.kz порталында авторизациядан өту және «Денсаулық сақтау» бөліміне өтіп, «Алғашқы медициналық-санитарлық көмек көрсететін медицина ұйымдарына тіркелу» қызмет атауын таңдау жеткілікті.
Туыстық байланысты тексеру үшін Портал баланың ЖСН енгізіп және АХАЖ ақпараттық жүйесіне сұрау салуды жіберуді ұсынады. Содан кейін, Сіз онлайн өтінімде қажетті деректерді таңдай аласыз (өңір, медициналық ұйым, тіркелу себебі, жергілікті дәрігер және т.б.).
Сұрау салуды жібергеннен кейін, ересектердің тіркелгені сияқты, көрсетілетін қызмет Порталдағы өтініш берушінің жеке кабинетінде қолжетімді болады.
Қызмет көрсету мерзімі – 1 жұмыс күнін құрайды.
Қызметті Telegram Bot арқылы алу үшін https://t.me/EgovKzBot сілтемесіне өтіп, «Алғашқы медициналық-санитарлық көмек көрсететін медицина ұйымдарына тіркелу» қызметін таңдаңыз.
Қызметті таңдағаннан кейін пайдаланушы чаттың тиісті батырмасын басу арқылы пәрмендерді жіберуі керек.
@EgovKzBot арқылы қызметтерді алу үшін жазылу қажет, яғни, чатта «Бастау» батырмасын басып, өзінің ұялы телефон нөмірін пайдалануға рұқсат беру қажет. «Мобильді азаматтардың базасында» тіркелген жағдайда, пайдаланушы бот арқылы көрсетілетін қызметтерді алу мүмкіндігіне қол жеткізе алады.
Қызмет көрсетудің нәтижесі «Қызметтер алу тарихы» жеке кабинеті бөлімінде, тіркелу туралы ақпарат түрінде немесе тіркеуден себептемелі бас тарту ретінде пайда болады.
48.Zoom платформасының мүмкіндіктері
ZOOM.US – бұл интернеттегі бейнеконференцияларды және бейне вебинарларды өткізуге арналған онлайн платформа.
Видео байланыс қызметтерін ұсынатын Zoom қосымшасы пандемия кезінде енгізілген әлеуметтік оқшаулау шаралары арқасында танымал болды. ZOOM платформасын қолдануды бастау үшін оны компьютерге немесе мобильді құрылғыға тегін орнатып, қарапайым тіркеуден өту керек. Бұл қосымша Windows, MAC, Linux, iPhone, Android операциялық жүйелерінде жұмыс істейді.
ZOOM.US тегін және ақылы қызмет түрлерін ұсынады. Тегін жазылымында аз емес опциялар бар: 100 қатысушыға арналған HD бейнеконференция, MP4 форматындағы 40 минуттық бейне жазба, чат, ақ тақта, виртуалды фон – хром кілті және басқалары. Бұл мүмкіндіктер әсіресе білім беру мекемелерінде кең тарады. Ал ақылы қызметі опция мүмкіндіктерің айтарлықтай кеңейтеді және 10 000 қатысушыға дейін таратылған вебинарларды орналастырады. Барлық функцияларды егжей-тегжейлі көрсету төрт сағаттан астам уақытты алады, ай сайын жаңа опциялар пайда болады. Осындай қажеттіліктер тренинг жүргізетін спикерлерге, орта және ірі кәсіп орындарға, т.б үшін қолайлы жағдай жасады.
