8 ТАҚЫРЫП. ПРОЦЕССУАЛДЫҚ МЕРЗІМДЕР. СОТТЫҚ ШЫҒЫНДАР Процессуалдық мерзімдердің түсінігі, түрлері. Мерзімдерді есептеу, тоқтата тұру. Өткізіп алған мерзімдерді ұзарту, қалпына келтіру. Соттық шығындардың түсінігі және құрамы. Мемлекеттік баж салығы. Істі қарауға байланысты шыққан шығындар. Сот шығындарын бөлу.
Дәріс Процессуалдық мерзімдердің түсінігі, түрлері. Іс жүргізу мерзімдері-бұл талап (талап арыз, арыз, шағым) бойынша азаматтық істерді қозғау, қарау мен шешу (шешім шығару), оларды (апелляциялық, қадағалау және жаңадан анықталған мән-жайлар бойынша) қайта қарау тәртібін ҚР азамматтық іс жүргізу кодексімен белгіленген мерзімдер. Іс жүргізу әрекеттері заңда белгіленген мерзімдер ішінде жасалуға тиіс. Бұл әрекеттер соттың азаматтық істерді қарауынан, соттың және азаматтық іс жүргізуге қатысушылардың әртүрлі әрекеттерінен тұрады. Іс жүргізу мерзімдерін екі түрге бөліп қарастыруға болады:
заңмен белгіленген мерзімдер;
Сотпен белгіленген мерзімдер.
Заңмен белгіленген мерзімі сотқа және басқа да азаматтық іске қатысушыларға міндетті. Сонымен қатар сот және тараптар, іске қатысушылар өзара келісімдері бойынша өзгерте, ұзарта алмайды, тек қана дәлелді себептер болған жағдайда ғана қалпына келтірілуі мүмкін.
Сотпен белгіленген мерзімі азаматтық іске қатысушыларға байланысты тек сотпен бекітіледі және соттың өзімен керек болған жағдайда өзгертілуі (ұзартылуы) мүмкін және іс жүргізу әрекеттерін жасауға арналған мерзім заңда белгіленбесе, оны сот тағайындайды.
