1 тақырып. Туризм теориясы заманауи ғылым жүйесінің БӨлігі ретінде қарастыратын сұрақтар
жүктеу/скачать 1,14 Mb. Pdf көрінісі
|
турисм негыздеры конспект
- Бұл бет үшін навигация:
- 9.4 Халықаралық қонақ үй ұйымдары
|
9.3 Әлемнің түрлі елдеріндегі қонақ үйлерді жіктеу Әлемдегі әртүрлі елдерде қонақ үй кәсіпорындарының жұмыс істеуі ерекшеліктеріне негізделген өздерінің жіктеу жүйесі әзірленді және енгізілді. Қазіргі уақытта әлемде 30-ға жуық тұрғын үйді жіктеу түрлері бар. Ең жиі қолданылатындары: - ірі туристік ағынның болуымен сипатталатын елдерде (Франция, Австрия, Венгрия, Египет, Қытай, Ресей және т.б.) қабылданған жұлдыздар жүйесі. Бұл жүйе Қазақстанда да қолданылады; - әріптік жүйе. Алфавиттік жіктеу жүйесі Грецияда пайдаланылады (бірақ әдеттегі жұлдыздарды да қонақ үйлердің фасадтарында көруге болады). Осы жүйеге сәйкес барлық қонақ үйлер төрт санатқа бөлінген: A, B, C, D. Қонақ үйлердің ең жоғары санаты de luxe деп белгіленеді және бес жұлдызды деңгейге сәйкес, А - төрт жұлдызды деңгей, B - үш жұлдыз, C - екі жұлдыз, D - қонақ үйдің «бір жұлдызды» деңгейіне сай; - тәждік немесе кілттік жүйе. Тәждік жүйе Ұлыбританияда кең таралған. Танымал жұлдызды жүйені есептеу үшін сізге жалпы жиынтық тәжден біреуін алып тастауыңыз қажет. Бүкілеуропалық жұлдыздармен салыстырғанда, тәж - бір бірлікке жоғары; - санаттар жүйесі. Санат жүйелері Италия мен Испанияға тән. Италияда қонақ үйлер үш санатқа бөлінеді: бірінші санат шартты түрде төрт жұлдызды санатқа жатқызылуы мүмкін; екіншісі - үш жұлдыз, үшінші - екі жұлдыз. Санат бойынша орналастыру құралдарының градациясы бар: - қонақ үйлер – 1-ден 5 жұлдызға дейінгі бес санат; - қонақ үй типті орындар, бунгало, апартаменттер және т.б. – 1-ден 4 жұлдызға дейін; - пансионаттар - үш санат. 9.4 Халықаралық қонақ үй ұйымдары Бүгінгі таңда кейбір елдердің қонақ үй индустриясы тұтынушылардың қызмет көрсету процесіне қатысатын шаруашылық субъектілерінен басқа ірі кәсіпорындардың мүддесіне сай келетін және экономиканы халықаралық нарықта ілгерілететін экономиканың маңызды салаларының бірі болып табылады. Мәселен, 1928 жылдан бастап әлемнің жетекші қонақ үйлердің ақпараттын арнайы каталогқа шығаратын «Әлемнің жетекші қонақ үйлері» (The Leading Hotels of the World) халықаралық ұйымы жұмыс істейді. «Әлемнің жетекші қонақ үйлері» ұйымының мүшесі болу үшін, қонақтардың қолайлығына әсер ететін қонақ үйдің барлық сфералары қатаң сапа стандарттарына сәйкес болуы тиіс. Мүшелікке үміткер қонақ үй қатаң тіркеу мен тексеру тәртібіне ұшырайды. Ұйымның мүшесі болып табылатын әрбір қонақ үй белгіленген талаптарға толық сәйкестікті қамтамасыз ету үшін мерзімді түрде тексеріледі. 1968 жылдан бастап «Әлемнің үнсіз қонақ үйлері» (штаб-пәтері Парижде) қонақ үй бірлестігі жұмыс істейді. Бұл ассоциацияға қосылған кезде, қонақ үйлер үш критерий бойынша бағаланады: табиғи және жағымды орта; өзіндік сыртқы түрі бар жайлы ғимарат пен интерьер; барлық заманауи талаптарға жауап беретін қонақжайлылық, әсем асхана. Соңғы 10 жылда қонақ үй индустриясында әлемнің 90 елінде ұсынылған қонақ үй жүйелері белсенді дамуда. Қазақстанда Marriott International және Rixos сияқты қонақ үй жүйелерінің өкілдіктері жұмыс жасайы. Еуропалық қоғамдастықтың қонақ үй және мейрамхана өнеркәсібі комитеті (Committee of the Hotel and Restaurant Industry in the European Community) Еуропадағы тәуелсіз қонақ үйлер мен мейрамханалар ассоциациялары мен қонақ үй желілерінің жұмысын үйлестіруге жауапты. Бүгінгі таңда 1998 жылы құрылған Қазақстандық қонақ үйлер мен мейрамханалар ассоциациясы (ҚҚҮмМА) отандық қонақ үйлердің мүдделерін аймақтық және халықаралық нарықтарда таныстыру мәселелерімен айналысады. Бұл ұйым Қазақстандағы қонақ үй кешендерін, халықаралық қонақ үй желілерінің өкілдіктерін, қонақ үй индустриясының, БАҚ және осы салаға қатысы бар басқа да субъектілерді біріктіретін коммерциялық емес, үкіметтік емес ұйым болып табылады *. Ұйымның негізгі Яковлев Г.А. Қонақ үй бизнесі экономикасы: оқу-әдістемелік құралы. – М.: Изд. РДЛ. – 2006. – 224 б. * Казахстанская ассоциация гостиниц и ресторанов // Официальный сайт КАГиР. – Электронный ресурс: http://www.kagir.kz қызметі: - қонақ үй саласының қызығушылықтарын біріктіру; - Қауымдастық мүшелерінің мүдделерін қорғау үшін Қазақстанның мемлекеттік органдарымен жұмыс істеу; - ҚҚҮмМА-ның қонақ үй жүйелерінде шетелдік азаматтар үшін тіркеу орындарын ашу; - қонақ үй бизнесі бойынша ақпараттық банк құру (заңдар, кітаптар, стандарттар, нысандар және т.б.); - ҚҚҮмМА консалтингтік-зерттеу орталығын (маркетингтік зерттеулер, нарықтық үрдістер) ұйымдастыру; - ҚҚҮмМА бас директорлар клубын құру және ұйымдастыру (өзекті тақырыптарды талқылау); - ҚҚҮмМА білім беру орталығын құру және реттеу (оқыту, тренинг) және т.б. жүктеу/скачать 1,14 Mb. Достарыңызбен бөлісу:
|