Жоспарға теодолиттік жүріс нүктелерін салу

Координата торын сызғаннан кейін квадраттың оңтүстік-батыс бұрышының X және Y координаталарын, полигон шамамен негізгі квадрат шектерінде симметриялы орналасатындай және сол кезде координата торының сызықтары жоспар масштабына еселі цифрланатындай есеппен анықтайды. Теодолиттік жүрістің әрбір нүктесін координаталар бойынша берілген масштабпен жоспарға өлшеуіш циркульдің және масштабты сызғыштың көмегімен салады. Алдын ала квадратты анықтайды, оған ол өзінің координаталарына сәйкес түседі, сосын өлшеуішпен квадраттың екі жағы бойынша абсциссалар мәнін түйрейді, түйремелерді жіңішке түзу сызықпен қосады және осы сызыққа Y ординатасының мәнін қояды. Түйреме жасайды және алынған нүктені дөңгелекпен қоршайды. Полигон төбелерін салу дұрыстығын жоспар масштабында екі іргелес нүктелер арасындағы горизонталь салынулар бойынша тексереді. Алшақтау жоспарда 0,2 мм, яғни масштабтың графикалық дәлдігінен аспауы керек.