Байланысты: 10 Дәріс гликогеннің қорытылуы және сіңуі
3. Глюкозаның босап шығуы.Бауырда глюкозо-6-фосфатаза ферментінің әсерімен глюкозо-6-фосфат гидролизденеді де, бос глюкоза мен бейорганикалық фосфат бөлініп шығады. Бұл реакция қайтымды емес.
Глюкозо-6-фосфат + Н2О α-D-глюкоза + Н3РО4
Глюкозо-6-фосфаттың гидролизденуі тек бауырға, бүйректерге және ішектің шырышты қабатына тән. Бұлшық етте және мида тиісті ферменттер болмағандықтан, глюкозо-6-фосфат ыдырамайды. Босап шыққан глюкоза қан тамырларына енеді.
Бауырдың өзі глюкозаны энергетикалық материал ретінде қажет етпейді. Басқа ұлпаларда қажетін өтеу үшін бауыр глюкозаны қор ретінде жинап сақтайды, әсіресе, мидың және қаңқа бұлшық еттерінің қажеті үшін жинайды. Миға және қаңқа бұлшық еттеріне глюкоза үнемі келіп тұруы қажет.
