Б). Салдану кезеңі – клиникасы зақымдану үрдісінің нерв жүйесінде орналасуына байланысты параличтік түрлері: жұлындық, көпірлік, бульбарлық, қыртыс астындағы құрылымдар зақымдануы, аралас: көпіржұлындық, бульбожұлындық. Жұлындық түрі: алдыңғы мүйізіндегі мотонейрондардың зақымдануынан болады. Зақымдану деңгейі: мойын, кеуде, бел, қосарланған. Көпірлік түрі- варолиев көпірінде орналасқан бет нерві ядросының оқшау зақымдануы салдарынан. Ым бұлшық еті бір немесе екі жақты босаңсып салдануы. Бульбарлық түрі. Дем алу, жұтыну, дыбыстау бұзылыстары, вазомоторлық дақтар пайда болуы, цианоз, тахикардия немесе брадикардия, АҚ жоғарлауы, кейін төмендеуі Қыртыс асты құрылымдар зақымдануы: селк ету, бұлшық ет тонусы бұзылуы, хорея тәрізді, миоклониялық, атетоидтық гиперкинездер көрініс береді. Көпіржұлындық. Ым бұлшық еттер парезі мен дене, қол-аяқ бұлшық еттер парезі немесе салдануы. Бульбожұлындық. Тыныс алуға қатысты бұлшық еттер салдануы. Дене және қол – аяқ бұлшық еттер парезі мен салдануы.
