Күн тәртібін жасаудың ұстанымдары:
баланың ұйқысын, сергектігін, іс-әрекетін, демалысын дұрыс ұйымдастыру;
күнделікті өмірде, түрлі қимыл-әрекетте жұмсалған күшін қалпына келтіру, баланы аса көп шаршаудан сақтандыру;
тамақтану мезгілін ас қорыту органдарының және ішкі секреция бездерінің қызметіне сәйкес ұйымдастыру;
ойын, еңбек, серуен, оқу тәрізді күнделікті іс-әрекет түрлерін, демалыс кезеңдерінде серуен, ұйқы, бой жазу әрекеттерін дұрыс алмастырып отыру;
таза ауада болу мерзімін белгілеу
Тамақтанудың, ұйықтаудың, серуенге шығудың кешіктірілуі балалардың жүйке жүйесіне қолайсыз әсер етеді. Олар:
енжар болады немесе керісінше, тынышсызданады,
қырсыға бастайды,
тәбетінен айырылады,
ұйықтауы нашарлайды және мазасыз ұйықтайды.
Сондықтан күн тәртібінің тұрақты болғаны дұрыс. Мектеп жасына дейінгі балалардың күн тәртібін ұйымдастыруда үлкендердің рөлі ерекше. Балалар күн тәртібін үлкендердің басшылығымен орындайды. Оны ұйымдастыратын тәрбиеші.Ол алғашқы күннен бастап жүйелі түрде балаларды күн тәртібін:
орындауға үйретеді
қадағалайды
әр баланың өзі орындайтындай деңгейге жеткізеді.
Бала белгілі бір күн тәртібіне бірден көндігіп кетпейді: мұнда тәрбиешілер мен ата-аналардан үлкен ұстамдылық пен төзімділік талап етіледі. Бұған қоса баланың тек жасына қарайғы емес,
жеке ерекшеліктерін,
олардың бұдан бұрынғы өмір тәжірибесін,
денсаулығы
жүйке жүйесі жағдайын ескеру керек.
Достарыңызбен бөлісу: |
