Иммиграция
АҚШ әрдайым иммигранттар елі болды. 1880-1920 жылдар аралығында иммиграция ең жоғары деңгейге жетті, кейін оны шектейтін қатаң заң қабылданған соң төмендеді. Иммиграция 2008 жылға дейін тұрақты өсіп отырды, кейін АҚШ-та жұмыс орындары қысқарған соң иммигранттардың қызығушылығы бәсеңдеді.
АҚШ-қа шамамен жыл сайын 1 миллион иммигрант кіреді. Соңғы иммигранттардың басым бөлігі - Латын Америкасынан немесе Азиядан келгендер. Иммигранттардың жартысы -көбінесе Мексикадан не Орталық Америкадан келетіндер - шекарадан заңсыз өтуі мүмкін.
АҚШ иммигранттары екі топқа бөлінеді. Біріншісі - жоғары кәсіби дайындығы бар, білімді, ағылшын тілін жақсы меңгерген және заңды жолмен келетін мамандар. Мысалға, үндістандық дәрігерлер мен компьютер бағдарламашыларын айтуға болады. Екінші топ - білімі жоқ, ағылшын тілінде сөйлей алмайтын, көбінесе шекарадан заңсыз өтетіндер. Бұл жұмысшылардың көпшілігі Латын Америкасынан келеді. Екі топтың тағдыры мен олардың АҚШ-қа ықпалы әртүрлі.
Достарыңызбен бөлісу: |
