Жобаның компиляциясы мен орындалуы

Жобаны компиляциялау үрдісінде қолдануға дайын файлдар-қосымша (кеңейтілуі exe) немесе динамикалық жүктеу кітапханасы (кеңейтілуі dll) құрылады. Компиляциялау нәтижесінде алынатын қосымшаның аты жоба файлының атымен сәйкес келеді, ал қосымшаның өзі автономды болады және өзінің жұмыс істеуі барысында Delphi-дің қосымша файлдарын қажет етпейді. Компиляция Project-Compile командасын шақыру немесе + пернелер комбинациясын басу арқылы орындалады. Командада жобаның аты болады. Жобаны басқа атпен сақтау барысында, сәйкесінше, команда мәзіріндегі жобаның аты да өзгертілуі керек. Қосымшаны алу үшін жобаны құрастырудың кез келген кезеңінде компиляциялауға болады. Бұл форманың жеке компоненттерінің қызметінің дұрыстығы мен түрін тексеруге, сонымен қатар құрылып жатқан кодтың бөліктерін тестілеуге ыңғайлы болады. Жобаны компиляциялау барысында төмендегідей әрекеттер орындалады:

• 
  Барлық модульдердің файлдары компиляцияланады. Нәтижесінде модульдің ағымдағы мәтіні бар әр файл үшін dcu кеңейтілуі бар файл құрылады.
  
• 
  Егер модульге өзгертулер енгізілген болса, онда тек осы модуль ғана емес, сонымен қатар uses директивасының көмегімен оны қолданатын модульдер де қайта компиляцияланады.
  
• 
  Модульді қайта компиляциялау обьектілік файлдарда да (obj) немесе берілген модульмен қолданылатын қосылатын файлдарда да (inc) жүргізіледі.
  
• 
  Жобаның барлық модульдерін компиляциялағанда жобаның файлы компиляцияланады және жоба файлының аты бар қосымшаның орындалатын файлы құрылады.