Метрологияның ғылым және өндірістегі ролі.
Өлшеусіз қызметтің ешқандай түрлері жүргізілмейді. Көптеген өндіріс салаларында өлшеулермен байланыстағы шығындардың көлемі күрделі қаржылардың 30 %-нен артығын құрайды. Метрологияның әсіресе материалдық, энергетикалық және т.б. ресурстарды үнемдеу мәселесін шешудегі ролі өте маңызды болып табылады. Ақиқат түрде есепке алу үнемдеудің және материалдық құндылықтардың, электр және жылу энергиясының, мұнай және мұнай өнімдерінің, газ, су ресурстарының шығындарын азайтудың негізі болып табылыды.
Метрологиялық қызметтердің болмауы, өлшем бірлігін қамтамасыз ету жөніндегі ережелер мен жағдайлардың бұзылуы өнімнің сапасын бақылау, технологиялық процестерді реттеу, сырқаттарды емдеу және т.б. жүргізілген өлшеулер кезінде үлкен шығындырға апарып соғады.
Өнім шығару, дайын өнімнің сапасын бағалау кезінде өлшеулердің жай-күйіне ғана емес, сонымен бірге технологиялық процесті белсенді бақылау арқылы сол процестің сапалық көрсеткіштерін бақылау қажет.
Өлшеу техникасының (өлшеу құралдары және өлшеуге арналған техниканың) деңгейі бойынша өнеркәсіптік дамыған мемлекеттердің ғылыми және техникалық потенциалының көрсеткіштері бағаланады.
Достарыңызбен бөлісу: |
