Таңдауға байланысты сұраныс – өзара байланысты кестелер мен басқа да сұраныстардан деректерді таңдайды. Сұранысты орындау нәтижесі сұранысты жабуға дейінгі орындалатын жаңа кесте болып табылады. Мұндай сұраныс негізінде сұраныстың басқа да түрлері құрыла алады.
Кестені құруға байланысты сұраныс – бұл да өзара байланысты кестелер мен басқа да сұраныстардан деректерді таңдайды, алайда таңдауға байланысты сұраныстан ерекшелігі, нәтижесін жаңа тұрақты кестеде сақтайды.
Жаңарту, қосу, өшіруге байланысты сұраныстар – мұндай сұранысты жүзеге асыру нәтижесінде кестелердегі деректер өзгереді.
Сұраныстар басқа да сұраныстар, формалар, есептер үшін жазбалар көздері болып табылады. Егер форма немесе есеп мұндай дайын сұраныс негізінде құрылса, онда мұндай сұраныс автоматты түрде форма немесе есеп шеберімен құрылады.
ACCESS реляциялық деректер концепциясына сәйкес сұраныстың SQL(Structured Query Language) құрылымданған тілін қолданады. ACCESS-де кез келген сұраныс SQL тілінің инструкциясы көмегімен құрылады. Және ол Microsoft Jet деректер қорының ядросына орындауға жіберіледі. Конструктордың графикалық режимінде құрылған сұраныс та SQL инструкциясы түрінде сақталады. Сұранысты конструктор режимінде құру кезінде ACCESS автоматты түрде эквивалентті SQL инструкциясын құрады және оны SQL режиміне өту арқылы көруге болады. Өз кезегінде SQL инструкциясындағы өзгерістер сұраныс бланкісінде көрсетіледі.
Таңдауға арналған бір кестелі сұраныстар Поставка товаров деректер қорының ТОВАР кестесінен ақпаратты алу мысалында таңдауға байланысты бір кестелі сұранысты құру процесін қарастырайық.
Тапсырма 1. Тауар аттары жөнінде мәлімет алу қажет болсын.
Сұраныс құру үшін деректер қоры терезесінде Запросы объектісін таңдап, Создать кнопкасын басыңыз.
Новый запрос терезесінде Конструкторды таңдаңыз және ОК кнопкасын басыңыз. Конструктор режимінде таңдауға байланысты сұраныстың бос терезесі және Добавление таблицы сұхбатты терезесі пайда болады.
Сұхбатты терезеде ТОВАР кестесін таңдаңыз және Добавить кнопкасын басыңыз. Таңдалған кесте сұраныстың деректер сызбасы облысында бейнеленеді (6-сурет).
