Буын деген мынау: Жел-сіз түн-де жа-рық ай,
Бунақ деген мынау: Желсіз түнде / жарық ай
Тармақ деген мынау: Желсіз түнде жарық ай
Шумақ деген мынау:
а Желсіз түнде жарық ай,
б Сәулесі суда дірілдеп.
а Ауылдың шеті терең сай,
б Тасыған өзен гүрілдеп.
Бұл ұйқасы – а-б-а-б ретті, 7-8 буынды, 2 бунақты, шумағы – 4 тармақты өлең түрі (Әлемдік әдебиетте ең көп тараған өлең шумағы төрт тармақты болып келеді).
Осы бөліктердің ішінде буын, бунақтың ырғаққа әсері недәуір. Ырғақ бірсыдырғы болу үшін өлең шумағындағы әр тармақ буын һәм бунақтары бірдей болу керек. Сонда өлең техникасы қатесіз, мүлтіксіз орындалған боп саналады.
Достарыңызбен бөлісу: |
