А. Р. Боранбае ва шымкент, 2022
жүктеу/скачать 471,72 Kb.
|
Абдезимова (1)
| Эксперимент бойынша қорытындылар.
1. Эксперимент барысында студенттердің арнайы құзыреттіліктерінің жеке және мотивациялық компоненттерінің қалыптасу деңгейі айтарлықтай өсті. Бұл көрсетілген компоненттерді қалыптастыруға бағытталған іс-шаралардың тиімділігін көрсетеді (коучинг, кәсіби қызметтің тренажер-тренингтері), сондықтан оқу процесінде мұндай оқыту формаларының орындылығы туралы айтуға болады. 2. Эксперименттің бақылау кезеңі ЭТ студенттері арнайы құзіреттіліктер блогының қалыптасу деңгейі бойынша БТ студенттерінен едәуір асып түсетінін көрсетті, сондықтан бакалаврларда арнайы құзыреттіліктерді қалыптастырудың зерттеуінде сипатталған моделін енгізу тиімді. 2-тарау бойынша қорытынды Эксперименттік және бақылау топтары студенттерінің кәсіби құзіреттілігінің қалыптасу деңгейлерін салыстыру болашақ логопед мұғалімінің кәсіби құзыреттілігін қалыптастырудың дамыған технологиялық моделінің тиімділігін анықтады. Оқу жұмысы дәстүрлі түрде жүргізілген бақылау тобында (БТ) студенттердің басым көпшілігінің кәсіби құзыреттілігі бейімделу және репродуктивті деңгейден жоғары көтерілмеді. Рефлексивті құзыреттілікті қалыптастыру бойынша арнайы курстан өткен эксперименттік топтың (ЭТ-1) студенттері жалпы кәсіби құзыреттіліктің анағұрлым жоғары – прагматикалық құзыреттілігін көрсетті. Бейімделу деңгейіндегі студенттер саны азайды. «Логопед-мұғалімнің арнайы құзыреттілігін қалыптастыру» тақырыбындағы арнайы курстан өткеннен кейін эксперименттік топта (ЭТ-2) кәсіби құзыреттілік деңгейінің өсуі байқалады. Кәсіби құзыреттіліктің ең жоғары деңгейі арнайы және рефлексивті құзыреттілікті дамыту курстары бойынша оқудан өткен эксперименттік топтың (ЭТ-3) студенттерінде байқалады. Олардың басым бөлігі прагматикалық деңгейде, ал кейбір бөлігінде интегративті деңгейдің дамуы тіркелген, бұл білім, білік және дағдылар спектрінің айтарлықтай кеңеюін және тиісінше кәсіби құзыреттілікті дамытудың жаңа деңгейін көрсетеді. Қалыптастырушы эксперименттің қорытындылары болашақ логопедтердің кәсіби құзыреттілігінің қалыптасу деңгейлерінің оң динамикасын айқын көрсетті. Диагностика мәліметтері бойынша бейімделу және репродуктивті деңгейдегі студенттер саны азайды. Кәсіби құзыреттіліктің прагматикалық деңгейі бар студенттер санының айтарлықтай өсуі байқалады. Бұл ретте, арнайы құзыреттің қалыптасуы 5%-дан 60%-ға дейін, технологиялық құзыреттіліктің қалыптасуы 11%-дан 53%-ға дейін, коммуникативтік құзыреттіліктің қалыптасуы 22%-дан 67%-ға дейін, рефлексивті құзыреттіліктің қалыптасуы 6%-дан 67%-ға дейін өсті. Кәсіптік құзыреттіліктің интегративті деңгейіне шыққан студенттер анықталды. Арнайы құзыреттілік саласындағы бұл деңгей студенттердің 7%-ында байқалады; рефлексивті-7%, бұл болашақ мамандардың білім, білік және дағды спектрін кеңейтуді куәландырады. жүктеу/скачать 471,72 Kb. Достарыңызбен бөлісу:
|