Зерттеудің теориялық және практикалық маңыздылығы: Теориялық маңыздылығы – логопед-мұғалімді кәсіби даярлаудағы құзыреттілік тәсіл негізделген;
- логопед-мұғалімнің кәсіби құзыреттілігін қалыптастыру процесінің теориялық негіздері ұсынылған, ол құзыретті тәсілді ескере отырып және ғылыми, жүйелілік, практикалық бағыт қағидаттары негізінде құрылған;
- болашақ логопед-мұғалімнің кәсіби құзыреттілігінің дамуын басқарудың теориялық негіздерін қалыптастыруға мүмкіндік беретін адаптивті, репродуктивті, прагматикалық және интегративті кәсіби құзыреттіліктің қалыптасу деңгейлері анықталды;
- логопед-мұғалімдердің кәсіби құзыреттілігін қалыптастыру процесі тиімділігінің негізгі психологиялық-педагогикалық шарттары анықталды.
Практикалық маңыздылығы – болашақ логопед мұғалімнің кәсіби құзыреттілігін қалыптастыруды жобалау және практикада іске асыру әрекеттерін оқу сабақтарының негізгі түрлерін өткізуге арналған әдістемелік ұсынымдар ретінде қолдануға болады.
