Пәннің педагогика және психология пәндерімен байланысы және оқу-тәрбие жұмысы Балаларға дұрыс тәрбие беріп, оқытудың нәтижесі оның анатомиялық-физиологиялық ерекшеліктерінің қаншалықты ескерілігенмен, қай жағдайда сыртқы орта әсеріне төзімді, сезімтал, қай кезде ағзаның қорғаныш қабілетінің төмен екендігін білуімен тығыз байланысты. Балалардың ми қызметінің ерекшеліктерін білу арқылы әр кезеңде болатын психикалық, психофизиологиялық өзгерістерді, назарының артуын, еске сақтау қабілеттерінің жоғарғы деңгейін біле аламыз.
Физиология өзінің ғылыми бағытына қарай жалпы, жеке және қолданбалы болып үш бөлімге жіктеледі.
Жалпы физиология организмнін, клеткалары мен тканьдеріне, ағзаларына бірдей тән негізгі тіршілік процестерінің табиғатын, функциялардың жалпы көрсеткіштерін, қасиеттерін зерттейді. Олардың сыртқы және ішкі ортаның, әр түрлі әсерлеріне жалпы жауабын, тітіркену, қозу және тежелу құбылыстары туралы мәліметтерді қарайды.
Жеке физиология кейбір тканьдердің (ет, жүйке т. б.), ағзалардың (жүрек, бауыр, бүйрек т. с. с.) қасиеттерін, олардың жүйелерге (қан айналымы, тыныс, ас қорыту т. с. с,) бірлесіп ұйымдастырылу және реттелу негіздерін тексереді.
