Шегіртке:
Қойшы, досым, құмырсқа, ертең дайындаламын. Бүгін ерініп тұрмын.
Апа:
Шегіртке ыршып жүріп, тоғайда гуләйттап, жаздың қалай өтіп кеткенін де байқамай қалыпты, қылышын сүйреп қыс мезгілі де келіп қалады.
(Әуен ырғағымен Көбелектер гүлдерді алып кетеді. Ақшақарлар ақ матаны ұстап шығып, ортаға төсеп, билеп шығып кетеді.)
Шегіртке тоңып, құмырсқаның үйіне барады.
Шегіртке:
Құмырсқа, досым, мен тоңып қалдым, үйіңе кіргізші, жылынайыншы.
Құмырсқа:
Досым˗ау, тоңдың ғой, кір, жылын әрине. Мен саған жазда айттым ғой, ал сен тыңдамадың, еріндің. Ақыры үйсіз, азықсыз қаңғырып қалдың.
Шегіртке:
Досым, құмырсқа, енді келесі жазда ерінбей, сенімен бірге еңбек етемін. Енді түсіндім қатемді. «Еңбек етсем ерінбей, тояды қарным тіленбей»
Апа:
Міне, осылайша құмырсқа шегірткені үйіне кіргізіп,қыстан аман˗есен өтіпті. Балам, саған ертегі ұнады ма?
Немересі: - Ия, ұнады.
Апа: − Ал енді мен шаруаларыммен айналысайын.
Немере: − Апа, мен де сізге көмектесейінші.
Апа: − Айналайын, қарағым, жүре ғой!
(Әуен ырғағымен әже мен немересі шығып кетеді)
2.Тыйым – халықтың тәлім – тәрбие, үлгі – өнеге, ақыл – кеңес берудегі тәрбие құралдарының бірі. Бұл негізінен балаларға арналған, оларды жаман әдеттен, жат пиғыл, ерсі қылық, әдепсіз істерден сақтандыруда өте үлкен қызмет атқарады. Ғұлама ғалым Әл – Фараби айтқандай «Адамға бірінші білім емес тәрбие берілуі керек, тәрбиесіз берілген білім адамзаттың қас жауы» деген сөздеріне қазақтың тыйым сөздері толық мысал бола алады.
Муслима:
Үйге кіріп келе жатқан қонақ абайсызда сүрініп кетсе, үй иесі марқайған түрмен төрінен сыйлы орын ұсынады. Мұның түп төркіні «үйге күтпеген жерден байлық келеді, бақ дариды» деген ырымды білдіреді.
Достарыңызбен бөлісу: |
