«Кластер» әдісі- Тұжырымды ойларын қарталарға түсіріп, топтық жұмыс қорғалады (постер)
«Кейс – стади» әдісі- Жұмысты жүргізу үшін бір жағдаят ұсынылады, оны бөліп-бөліп кезекпен оқиды, немесе айтады, қалғандары талдау жасап, өз ойларын ортаға салады.
Салыстырмалы әдіс – оқушылар зейінін өтіліп отырған объектіге аударып, оны жақсы меңгеруге көмектеседі. Оқушылардың логикалық ойларын дамытып, алған білімін практикада саналы түрде қолдана білу мүмкіндігін жасайды, оқушыларды сөздерді өз орнына қолдануын, тіл мәдениетін дамытады.
Синтаксистік талдау – жай сөйлем бойынша (сөйлемнің мағынасына қарай, сөз тіркесіне қарай, байланысу тәсілдеріне қарай, сөйлем мүшелеріне қарай) талдау, құрмалас сөйлем бойынша талдау.
Түсіндірмелі талдаулар – лексикалық, фонетикалық, сөзжасамдық, морфологиялық, синтаксистік талдау әдістері
Теориялық білім меңгерту сабақтары – жаңа сабақ, біріккен сабақ, дәріс сабақ.
Тәжірибелік дағды қалыптастыру сабақтары – бекіту сабағы, тәжірибелік сабақ, семинар сабақ, тексеру сабағы, сынақ сабақ, талдау сабағы, қайталау сабағы.
Әдістеме — педагогика ғылымының жеке пәндерден берілетін білім көлемі мен мазмұнын негіздеп, оны оқытудың тиімді әдістерін зерттейтін бір саласы. Тұтасынан алғандағы жас ұрпақты тәрбиелеу мен оқыту процесінің заңдылықтарын дидактика зерттейді. Ол заңдылықтардың жеке пәндерді оқытудағы көрінісін және әр пәнді оқытудың өзіне ғана тән заңдылықтарын пәндік дидактика қарастырады. Бұлардың әрқайсысына тән өзіндік ерекшеліктеріне байланысты оқыту Әдістемелері бар.
Достарыңызбен бөлісу: |
