II. БАКТЕРИОСТАТИКАЛЫҚ ПРЕПАРАТТАР АҚУЫЗ ЖӘНЕ НУКЛЕИН ҚЫШҚЫЛДАРЫНЫҢ ТҮЗІЛУІН ТЕЖЕЙТІН ПРЕПАРАТТАР: ХЛОРФЕНИКОЛ, ТЕТРАЦИКЛИНДЕР, МAКРОЛИДТЕР (ЖОҒАРЫ МӨЛШЕРДЕ БАКТЕРИЦИДТІ ӘСЕР КӨРСЕТЕДІ), ЛИНКОМИЦИН, КЛИНДАМИЦИН, ФУЗИДИН ЖӘНЕ Т.Б.)
АНТИБИОТИКТАРДЫҢ ӘСЕР ЕТУ СПЕКТРІНЕ БАЙЛАНЫСТЫ ЖІКТЕЛУІ:
Тар спектрлі антибиотиктер:
А) грам оң флораға айрықша әсер ететін заттар: бензилпенициллиндер, жартылай синтетикалық пенициллиназағатұрақты пенициллиндер, цефалоспориндердің 1-ші ұрпағы, макролидтер, линкомицин, ристомицин, фузидин, ванкомицин.
Б) грам теріс флораға айрықша әсер ететін заттар: полимиксиндер, уреидопенииллиндер, монобактамдер.
Пенициллиндер зең саңырауқұлақтарынан алынған алғашқы биосинтетикалық антибиотиктер. Басқа АБ-мен салыстырғанда уыттылығы төмен, оны жүктілік кезінде тағайындауға болады. Бірақ бұл топтың АБ-сына аллергиялық реакциялар жиі дамиды (науқастардың 4-6%-ында кездеседі).
Көптеген онжылдықтар бойы бензилпенициллиннің натрий тұзы кеңінен қолданылған болатын. Бірақ оның біршама кемшіліктері де бар:
Қышқылды ортада тұрақсыз (ішке қолданған кезде тиімсіз болады)
Микробтардың бета-лактамазасының әсеріне тұрақсыз (кейбір микроорганизмдер осы ферментті бөледі, ал ол фермент АБ-ның бета-лактамды сақинасын ыдыратып резистенттіліктің дамуына әкеледі).
Әсер ету ұзақтығы жеткіліксіз (3-4 сағат)
Әсер ету спектрі тар (Гр+ бактерияларға ғана)
ПЕНИЦИЛЛИНДЕР.
Жоғарыда көрсетілген АБ-ның жеткіліксіздіктерін болдырмау үшін және препараттардың қасиеттерін жақсарту үшін бұл топтың препараттарынан жартылай синтетикалық пенициллиндер шығарылды:
