ЖАСТАРДЫҢ УАҚЫТЫН ТИІМДІ ҰЙЫМДАСТЫРУ ОРТАЛЫҒЫ тарихына қысқаша сипаттама

Орталығымыздың қысқаша тарихы 1976 жылдың 28 желтоқсан айында Қазақ ССР Еңбекшілер депутаттарының Шымкент қалалық советі атқару комитеті шешімі бойынша «Оқу өндірістік комбинаты» болып құрылған мекеме.

2012 жылы 12 шілде күні Шымкент қаласы білім бөлімінің «Жастардың уақытын тиімді ұйымдастыру орталығы» мемлекеттік коммуналдық қазыналық кәсіпорын болып қайта құрылған болатын. Бүгінгі жастардың жанашары білікті басшы Ж.М.Күздеубаев жұмыс жасап келе жатқан Жастардың уақытын тиімді ұйымдастыру орталығының мақсаты – Жеке тұлғаны жан-жақты дамыту жолында сапалы кәсіптік білім, саналы тәрбие беруде оқу үрдісіне жаңа технологиялар мен әдістер енгізе отырып, жеке тұлғаның рухани адамгершілік-қасиеттерін дамыту болып табылады.

Жастардың уақытын тиімді ұйымдастыру орталығында 2018-2019 оқу жылында 53 үйірме жұмыс істеп, қаламыздың 4600 мектеп оқушыларының бос уақыттарын тиімді пайдалануға мүмкіндік жасауда. Орталықта «АВС» ағылшын үйірмесі, «Жас қаламгер» үйірмесі, «Театр мектебі» үйірмесі, «Дзюдо» үйірмесі, «Ля-ля-фа» вокал үйірмесі, «Шығыс жекпе-жегі» үйірмесі, «Арулар» би ансамблі, «Бейнелеу өнері» тағыда басқа үйірмелер оқушылары түрлі қалалық, облыстық, республикалық және халықаралық деңгейдегі байқауларға, сайыстар мен жарыстарға қатысып, жүлделі орындарға ие болып жүр. Орталығымызда жылда балалардың жазғы демалысты қызықты өткізу мақсатында жазғы сауықтыру лагері жұмыс атқарады. Лагерь екі ауысымнан 1 ай өткізіледі. Лагерьде 4 топ құрылып, әр топқа 15-20 баладан жасақталады.